ولي متى أنا الخاسر وكل اللي معاي رباح

يعيش الحب شي عادي يموت الحب وش يعني ..
.. مـادام قـلوبـنا مـاتـت مـشاعـرهـا وهي حــيــه

أحـس بالحـب لاجـيـته عـلى كـيـفـه يـطـاوعـني ..
. مـغـفـل من يـعـيـش بـهـذا الزمان احـلام ورديه

من أول ماعرفـتـك تـعـطي احـسـاسك وتمنعـني .
واقــول تـمـون يـانـبـع الــحـلا والـحـب حــنـيـه

كـثـرمـاكـنـت تـكـذب في كلامـك كـنـت تـقـنعـني
. دلـيــل اني عـلى كــثـرالـجــفـا سـلـمـتـك أيـديـه
عــشـاني قـلـت لك ماأبـدخل بهذا الجـو طـلعني
. تـروح وتـاخـذ الـدنـيا مـعـاك وتـقـطع الـجــيــه

مع أن قـلـت اذا مـطـاعـك الوقـت الردي طـعني
وأذا ماجيـت لي كلك تـعـال .. شـويـه شــويـه

لـك الله يـوم أجي مـشـتـاقـلـك والشوق يدفعـني .
.. كـأنـي رايـح للــمـوت بـأيـــديـنــي ورجـــلـــيـه

وأعـرف أن مـرفي بـالـك.. تولعـني .. تـولعـني
مـدامه شي في بـبـالك تجـيـبـه .. مـيه .. بالميه

وصلت لمرحلة حـتى الشـعـور العـذب يخـدعني ..
واحـس أني عـلي الـنـيه وانـا فـعـلا على الـنيه

بـكـمـل لـك كـلامـي بـس تـكـفـى لاتـقـاطــعــني
بـقى جـمـر الـكـلام ودمـعـة بـالـعـيـن مـخـفــيه

أمـانه قـبـل أروح وينـتـهـي كـل شي طــالعـني .
عـشـان تعرف وش معنى الـعـطا قـبل الأنانــيـه

أبــرحـــل والـطـريـق اللي يــودي مـايـرجـعـني
. يـبـي يـغــنيـني الله عن هـوى حـبك وطـاريــه

خـذ الـبـاب بـطـريـقـك والـعـذر مـاعاد يـنـفعـني
. تــرى مــاعــاد لــك قــيـمة ولا لـلحــب أهـمـيه

 

ماذا اقول عن حروف وكلمات واسطر سطرت بماء الذهب
عندما نجد الحروف تصاغ
بفن وابداع تجعل القارئ للرد على
كلماتك....
فهنا نجد الروعة والابداع
في صياغة هذه اللوحة
شكرا لك على مجهودك...