البصارة بلونها الاخضر الزاهى

البصارة اكلة شعبية مصرية قديمة كل الاجيال القديمة تعرفها لكن مش كل الجيل الجديد يعرفها في ناس تعرفها وناس تسمع عنها بس وناس تشوفها ومتعرفش طريقتها
طريقتها ومقاديرها سهلة جدا وهي كالتالي




الكمية تكفي:

4 أشخاص





وقت التحضير:

15 دقيقة





وقت الطهي:

30 دقيقة




المقادير:

نص كيلو فول مدشوش (مقشر بتاع الطعمية)
10 فصوص توم كبيرة سليمة +
بصلة متوسطة +
كزبرة خضراء
وكام ورقة نعناع خضرا
ملح -
فلفل-
كمون
-كزبرة ناشفة مطحونة




التحضير:

نغسل الفول كويس ونحط عليه البصلة متقطعة وفصوص التوم سليمة
نغطي المكونات بالمية وتكون كافية فوقها علشان الفول يستوي
نسيبها تغلي ونوطي عليها النار شوية لغاية ما تستوي ولو احتاجت نزودها مية نزود





الطبخ:

ولغاية ما تستوي نغسل الخضرة كويس ونقطعها
بعد ما تستوي نحطها في الخلاط ومعاها الكزبرة الخضرا والنعناع الاخضر (لو مفيش نعناع اخضر يبقي شوية نعناع جاف)
وبعدين نرجع البصارة بعد الخلط في الحلة تاني ونحط عليها الملح والفلفل والكمون والكزبرة الناشفة ونغليها غلوة واحدة بس علشان اللون الاخضر مايروحش ونطفي
بعد كدة هنحمر شوية بصل مبشور (تقلية ) علشان نحطها علي وش الطبق والسمن اللي حمرنا فيه البصل نصبه علي الحلة ونقلبها
نغرف البصارة في الاطباق ونحط التقلية ع الوش