|
#1
09-15-2011, 07:56 PM
|
|||||||||||||
|
|||||||||||||
|
روائع هشام الجخ
هشام كامل عباس محمود الجخ
شاعر مصري جذوره ما بين سوهاج وقنا ويحمل بكالريوس تجارة جامعة عين شمس دفعة 2003 وقام بعمل دراسات عليا في إدارة الأعمال وتم تعيينه في الجامعة مسؤول عن المركز الثقافي ثم استقال ومن أقواله : بكتب شعر على مهلي على مهلي جدا بحترم الشعر بحب الشعر وبذاكره وبهتم بيه ومش بقوله غير وانا عايز اقوله بعشق عيون الناس وهي بتلمع وانا واقف على خشبة المسرح وبموت في كلمة الله لما تطلع من الناس وامنية حياتي اني لما اموت .. العالم كله يعرف ان هشام الجخ مات اظن كدة كفاية كلام وندخل في قصائده وهحاول بإذن الله أجمع كل كتاباته سواء فصحى أو عامية ........................ أيوة بغير لا انا نقصان ولا ضعفان ولا مسطول ولا سكران ولا زايغ من عيني الضيّ ولا حد احسن مني في شيّ بس بغير واللي قالولك غيرة الراجل قِلّة ثقة او قلة فَهم خَلْق حمير غيرة الراجل نار في مَرَاجِل نار بتنوّر مابتحرقش واحنا صعايدة بنستحملش شمسنا حامية وعِرْقنا حامي وطبعنا حامي واللي تخلّي صعيدي يحبها يبقى يا غُلْبها اصلنا ناس على قد الطيبة كلنا هيبة والنسوان في بلادنا جواهر طب لو عندك حتة ماس حتخلّيها مداس للناس ؟؟ ولا حتقفلي اوضة عليها بميت ترباس يمكن حتى تأجري ليها جوزين حراس يبقى انا لا انا جاهل ولا غافل كل الفرق ما بيني وبينك اني صعيدي ينعل ابو ده اليوم الاكحل اللي لا ليه اخر ولا اول اللي طلعت لقيتني صعيدي لو كان بايدي كنت اعملك هندي بريش واقلب شعري كنيش كرابيش والبس لك سلسلة متدلدلة خرزة وقلب بس ازاي البس لك سلسلة ؟؟ هو انا كلب ؟؟ ثم العبرة ماهيش في اللبس اصل المشكلة عَندك .. عٍندك .. قلت حاسيبها وبكرة تحس بعده تحس بعده تحس ده انا لو جبس كنت زعقت ماشي صداقة وماشي زمالة بس ماجَتْش على الرجالة ماهي نسوان الدنيا كتير وانا ما بقولش تخاصمي الناس ولا تِتْحِجبي عن الرجالة ولا تعتكفي وتسكني دير بس يا ريت حبة تقدير اني بحبك واني بريدك واني زرعت حياتي في ايدك واني غزلت بنات الدنيا عقود على جيدك واني تعبت من التفكير واني بغير ........................ خرفان 3 ودي حكاية وكان يا ما كان .. ولا يحلالي اي كلام .. الا بذكر النبي الهمام .. عليه الصلاة والسلام 3 خرفان ومعزاية وشجراية وبير بترول وديب فجعان 3خرفان ما يتاكلوش في يوم واحد ما يتهضموش راح للخروف اتخن خروف قال يا خروف ؟؟؟ عيال اخوك متنعنعين ومتنغنغين وانت هنا في اسوأ ظروف ؟؟ يادي الكسوف !! راح الخروف علشان خروف ضرب الخروف الديب حيسكت ؟ راح للخروف تالت خروف شفت الخروف ؟! ضرب الخروف احميك انا وابات معاك في الدار هنا واديني بس انت مكان راح الخروف علشان خروف إدّاه مكان يوماً سنقراُ في الجريدةِ يا بلادي انّنا كنا خرافْ سيجفُ هذا النفطُ فوقَ جلودِنا ونودّعُ السبعَ السِمانَ ونلتقي ألفاً عِجَافْ سيُدَوِّنَ التاريخُ اسماءَ الملوكِ العادلينَ الصابرينَ الساكتينَ الكاتمينَ الصوتَ بينَ شعوبِهم .. مثلَ الزرافْ سيحاكمُ التاريخُ حكامَ العروبةِ كلِّها وسينزعُ الاظفارَ منهم في سبيلِ الاعترافْ إني احبك يا بلادي مرغما واقول شعرا يا بلادي مرغما والشعر إن مسَّ السياسةَ يستحيلُ مصائبا والشعر إن مسَّ الصعيديينَ مثلي يستحيل كحدِّ سيفٍ لا يخافْ انا لا اخافْ من كام سنة بِنْهِشّ بإدينا الفيران ؟ ونقول ما ندَّخلش في امور الجيران !!! من كام راسمين رجولتنا ادب ناقشين إدينا نقش حنة وقلنا سنة ورمينا من إيدنا سلاحنا وقلنا هدنة وبلدنا بِكْر بتُغتصب يِعلاَ صوتها غصب عنها نِتْهِمْهَا بالشَغَب !! يا بلاد ماليها الاَّ العجب يا ( معرَّمين ) شعر وادب هي الرجولة تتوزن وقت الغضب غير بالغضب ؟؟؟ هو اللي متَاخد غَصَب مش برضه يتاخد غصَب ؟؟ يا بلاد ماليها الا العجب يا ( معرمين ) شعر وادب الوزن هو اللي اختلف ولا الميزان اللي اتقلب ؟ من كام سنة بنسأل "بهية" مين قتل واحنا اللي قاتلينه بإدينا !! مدِّينا إيدنا للغريب وف بعض عضِّينا وعَادِينا مين اللي ظالم في الحكاية .. ومين جبان ؟ مانلومش ع الديب اللي خان احنا اللي خرفان بالوراثة الصبر وارثينه وراثة والطاعة وارثينها وراثة والـــ حكم وارثينه وراثة وحاجات كتيرة مش وراثة احنا خدناها وراثة انا كل ما اتذكر نحية العلم يسرح خيالي كان صوتي لسه عيالي .. بس عالي كنت احسّ اني بهزّ المدرسة كان العلم من فرحته يرقص على الساري شايله طب كنتو ليه بتعلمونا نحفظ البرّ وجمايله طب كنتو ليه بتعلمونا نكره الظلم وعمايله لمّـا انتو ناويين تسجنونا في ارضنا كان ايه لزوم العلم .. وهمومه .. ورزايله طب كنتو سبتونا بهايم كنا نِمْنَــا مرتاحين ازاي ابيع ارضي وعارف ان جسمي اصله طين طب كنتو علمتونا مثلا اننا من اصل تركي او اوروبي ان جسمنا اصله حلاوة او مِلَبَّس اشمعنى طين ؟؟؟ طب ولما الطين يروح .. ايه اللي فاضل ؟؟ ولمين نغني ونفدِي روح ؟؟ ولمين نناضل ؟؟؟؟ ولمين اعود واشتاق واحب واغير واكافح ؟؟ ولمين اغني واقول ( بحبك يا بلد ) والحب طافح ؟؟ لاموا عليَّا الناس عايزيني اقول اشعار في "محمد الدرة" مش قايل !!! ما انا لما قلت زمان يا بلادي يا ( رحبة ) قالوا ده واد سافل !! واللي اتلَوِتْ مني واللي اتقَمَص مِنِّي ونزلت عنيهم م الخجل في الارض وبَهْدَلُوني وحَدَّفوني لبعض وقالوا برضك عيب .. القاعة فيها بنات !!!! طب يعني وفلسطين مش برضه فيها بنات ؟؟ والله دي فلسطين نسوانها رجالة هما اللي عمَّالة واحنا اللي قوَّالة عندينا تِبْقَى الست وَلَدها طول الباب وتخاف يروح مشوار وهناك حريم من غَضَب شايفين عيالهم دهب وعشان ما يلمع زيادة لازم يدوق النار وتقولوا اقول اشعار !!!!!!!!! مش قايل هما 3 كلمات نعم .. اكيد .. طبعا وطول ما فيه جُبَنَا .. فرعون بيتفَرْعَن والشعر اصله جبان اللي يقوله جبان واللي يعيده جبان قولنا بلاش نكتب والحرب اولى بْنا قالوا حرام والنبي خلُّولْنا اولادنا خايفين على ولادهم م الجنة ونعيمها شوفتوش خيابة و همّ الاسم رجالة والاسم عندنا دم دي ام موسى ( المرة ) خافت على ولدها .. رمته في قلب اليم واحنا ( بنتسولق ) وبنتشوي قرارات تطلع قراراتنا صورة جماعية على صفحة الجُرنان يا ما اشجع الفرسان وتقولوا اقول اشعار .. مش قايل همست في وِدْني ( بَحِبَّك ) .. كان جسمها مفرود والخمرة عامياني وبياض إديها كان بيزعق لما تعدل شعرها الواد بيعرج م الرصاصة اللي في رِجْلُه شدِّت حزام الروب وبانت زي شيء معرفش شعري يوصفه .. كانوا العساكر قربوا والواد متبت ع الحجارة اللي ف إديه مدّت إديها وقَّفِت كل الساعات صوت الكاسيت نبَّهني اني ف شقتي كانوا العساكر قربوا بيقربوا بيقربوا والواد متَبِّت ع الحجارة اللي ف إديه وَقَعِت قزازة البيرة من إيدي على طرف السرير الواد صرخ في مخبأه فاتلفتت قلقانة خايفة لاتجرح جريت على الصوت العساكر وابتدى صوت الرصاص يملا الجبل دوَّرت عندي في الدولاب على حاجة تنفع لجل تِتْحَزَّم لي بيها ما التقيت غير شال اخويا اللي اتقتل تحت الجبل كان برضه يعرج لما يمشي من الرصاصة اللي في رجله وكان متبت ع الحجارة اللي ف اديه مين اللي خانك يا وطن ؟؟ قلعت حَلَقْها لما عَوَّرني ف رقبتي وحطته جنب السرير نامت على الارض العساكر لجل تسمع دَبِّة الواد اللي لسة مستخبي اتكسف صخر الجبل من وقفته هيَّج رماله ع العساكر سامحيني يا وحدك مقدرش اعيش هارب انعس في حضنك كيف والرملة في الصحرا واقفة وبتحارب
|
|
09-15-2011, 07:58 PM
|
#2 | |
|
مشرف عام
    .gif)
|
انطردي الآنَ من الجدولْ
موتي فالكلُّ هنا ماتوا وأنا اعتدتُ حياتي أَرْمَلْ واعتدتَ الهَجرَ بلا سببٍ وبرغمِ الحيرةِ لم أسألْ وظلَلْتُ أسجِّلُ أسماءً وأسطِّرُ خاناتِ الجدولْ ضُنِّي إحساسَكِ ما شئتِ فأنا مَلِكٌ لا أتوسَّلْ لا أبكي لفراقِ حبيبٍ أو أترجَّى أو أتذلَّلْ رقةُ شِعري قَوْلٌ إفكٌ فَفُؤادي مِن صَخْرٍ جَنْدَلْ علَّقتُ نساءً في سَقْفِي وجلسْتُ فخورا أتأمَّلْ وغزوتُ عُيوناً لا تُغْزَى غافلتُ رموشاً لا تَغْفَلْ و زَرَعْتُ النُّسوةَ في أرضٍ لا آخرَ فيها أَوْ أَوَّلْ ديكتاتوريا إن أُعْطِي ديكتاتوريا إن أَبْـخَلْ وَقَّعْتُ - أَنَا - صَكَّ الهَجْرِ فالحاكِمُ يَعْزِلُ لا يُعْزَلْ فانطردي الآن من الجدول غِيبِي فَلَكَمْ قَبْلَكِ غابوا لا شيءَ يَـجِيءُ وَ لا يَرْحَلْ ما الوردُ إذنْ لَوْ لَمْ يَذْبُلْ ؟؟ ما الشمسُ إذنْ لو لم تَأْفُلْ ؟؟ لا تَنْتَظِرِينِي نَسْنَاساً أَقْبَلُ يَوْمَاً أن أتَسَلْسَلْ وَ يَـجِيءَ الناسُ إلى قَفَصِي لِيَـرَوْا عُشَّاقاً تَتَـحَوَّلْ تتقافزُ كالقِرَدةِ عِشْقَاً وَ تَـمُوتُ هَيَاماً وَ تُوَلْوِلْ لُمِّي أشياءَكِ و ارتَـحِلِي بَحثاً عن آخرَ قَدْ يَقْبَلْ أمَّـــايَ .. فلا ثَمَنٌ عِنْدَكِ تَقْبَلُهُ يدايَ لِتَتَكَبَّلْ إن كان غرامُكِ لِي نَبْعَاً فَنِسَاءُ الدنيا لي مَنْهَلْ وَ الجدولُ مُكْتَظٌّ جِدَّاً بِكَثِيرٍ مِثْلِكِ بَلْ أجمَلْ فانطردي الآن من الجدول غِيبِي وَ تَمَادَيْ في جَهْلٍ فأنا لا أعشقُ مَنْ يَجْهَلْ إني بَحَّارٌ تَرْفُضُنِي كُلُّ الشُطْآنِ فَأَتَنَقَّلْ اِعتدتُ السفرَ على مَضَضٍ وَ قَضَيْتُ حياتي أَتَجَوَّلْ أرتشفُ بلاداً ونساءً فَهُنـا عَسَلٌ وهُنا حَنْظَلْ و هنا عِشْتُ كَلِصٍ نَذْلٍ وَ هُنَا كُنْتُ نَبِيَّاً يُرْسَلْ و هنا ذَبَحُوا شِعري عَمْدا وهنا شعري صارَ يُرَتَّلْ وأنا والغُربةُ ما زِلْنَا نبحثُ عن وطنٍ لِنُظَلَّلْ صادقتُ الغُربةَ في الغربةِ وقضيتُ سنيناً أَتَعَلَّلْ بَرَّرْتُ جميعَ حماقاتي وَ ظَنَنْتُ بأني أتَجَمَّلْ اليومَ أُزِيلُ عباءاتي وَ أُكَشِّفُ عن وجهي الأَوْحَلْ مَلِّي عينيكِ بِلاَ خَجَلٍ فأنا الـمَوحولُ ولا أخجلْ أَغْرَتْنِي أحلامُ الصِّبْيَةِ فَعَدَوْتُ إلى حُلْمِي الأمْثَلْ وَ بدأتُ السفرَ بلا زادٍ وظننتُ بأني أتعجَّلْ وَ نسيتُ اللهَ.. فأَهْمَلَنِي مَنْ ينسَى اللهَ وَ لا يُهْمَلْ ؟ حُمِّلْتُ بأثقالِ الدُّنيا أهربُ مِنْ ثِقْلٍ للأثقَلْ و التفَّتْ طُرُقِي مِنْ حَوْلِي واختلطَ الأَقْصَرُ بالأَطْوَلْ واخْتَلَطَتْ أحْرُفُ لافِتَتِي فَوَقَفْتُ مَكَاني كالأخْطَلْ لَمْ أُسْطِعْ أن أُكْمِلَ سَيْرِي فجلستُ وحيداً أَتَسَوَّلْ وَ بَنَيْتُ مَزَاراً وَ مَبِيتاً لا يَصْلُحُ إلاَّ لَلثُّمَّلْ وَ قضيتُ حياةً واهِنَةً لا تَسْوَى في نَظَرِي خَرْدَلْ فَعَلامَ تُرِيدِينَ بُكَائِي ؟ وَ أنا ذو قلبٍ مُسْتَعْمَلْ أَبْلاَهُ الماضي لم يَتْرُكْ شيئاً لِبَلاءِ الـمُستقبَلْ لا تَتَّهِمِينِي في عِشقِي فأنا أعشقُ حتَّى أُنْحَلْ والجملُ وإن يعطشْ يصبِرْ وَ كَفِعْلِ الجَّمَلِ أنا أفعَلْ أَهْلِكْتُ شَبابي وسنيني فَرَمَتْ بِي في صفِّ الكُهَّلْ وَ وقفتُ بعيداً لأشاهدَ قصةَ عُمرِي وهِيَ تُمَثَّلْ رفعوا خنجرَهم ودموعي لم تجعلْ أحداً يَتَمَهَّلْ والتهبَ المسرحُ تصفيقاً وأنا أُطْعَنُ وأنا أُقْتَلْ فَعَلامَ تظنينَ بِأنِّي آتٍ مِحْرابَكِ أتَبَتَّلْ ؟؟ دَوْرُكِ في الـمَشْهَدِ فَرْعِيٌّ بِوُجُودِكِ أو دُونَكِ يَكْمَلْ وَكِلانا مكتوفُ الأيدي وَ سِتارُ المسرحِ لا يُسْدَلْ والـحُكْمُ الصادِرُ في أمرِي حُكْمٌ فَصْلٌ لا يَتَأَجَّلْ فدعيني في موتي وَحْدِي فأنا والغُربةُ لا نُفْصَلْ ما دامَ الوطنُ بلا شيءٍ فالموتُ على شيءٍ أفضلْ ........................ نانا هذا الحلم الاحد الصمد الساكن فيا ماازلت وبرغم الثورة تحكمني حكما ملكيا نانا البت الدوشة الظيطة المغرب تنزل في الاستاد انا كنت دهل صغير لسة بسرح شعري من الضهرية وشايف شعرها نازل يدلع على خدها المكوة البايظة كأنها عارفه معادي معاها اشتغلت وحدها فرحت بيا سلالم بيتنا وانا نازل بتنطط فرحة قلعت عنها حجاب الطرحة واعدت تدعي شم المدخل ريحتي عرفني غمزلي بعينيه عرفته كشفني كسفني ضربته في عينه وطرت زعق فيا وقالي هتفضل برضه صغير مهما كبرت مدخل اللي مربيني كان دايما عايش ويايا كان يسهر في الامتحانات ويوصلنا لغاية اللجنة ويستنانا والمرادي قالي امانة امانة يارايح لتسلم على نانا اصحابي عايزني اوصفها وانا مش لاقي في وصفها زي شعرها اسود لا مش اسود شعرها ناعم لامش ناعم شعرها زي اللي ملوش زي اسمها نانا وساكنه وريدي بس الناس بيقولوا عليها ساكنه معانا في نفس الحي مشيها زي غرير المي رمشها زي جدايل ضي جدها من النوع الوحداني اللي ملوش خي نانا كانت لما بتضحك يحلا في عيني العمر الجي كانت لما بتجرح قلبي تحلى لقلبي قولة اي قال وصحابي بيقولوا اوصفها طب والله نفسي اوصفها بس هاتولي في وصفها زي ........................ البغبغان كان يوم مَطَر .. البغبغان جُوَّا القَفَص طَلَّع لِسانُه لعصفورين فوق الشجر .. خَلِّيكو سايقين العناد .. العِشّ قاد .. وخسِرتُو ويَّاه الولاد .. لَـمَّا انفَجَر .. هو انتو حِمْل السِيل ؟؟ ولا حِمْل المطر ؟؟ كان فيها إيه لو تِعْمِلُوا زيِّي وتقولوا زَيّ ما يقول البَشَر ؟؟.. ردُّوا علِيه العصفورين : لَوْ عَ الوِلاَد .. البَطْن ولاَّدة .. والعِشّ مَهْمَا يقِيد .. صخر الجبل عَنَاقِيد .. نِفْرِشْهَا سِجَّادة .. وانتَ اللي فرحان بالقَفَـص .. أصْلَـك ( قَفَص ) !!.. كَتَمُوا الهوا جُوَّاك و نَسُّوك ان ما بين الحياة والموت .. نَفَس .... |
|
|
|
|
09-15-2011, 07:59 PM
|
#3 | |
|
مشرف عام
|
جحا
شعور سخيف إنك تحس بإن وطنك شيء ضعيف صوتك ضعيف رأيك ضعيف إنك تبيع قلبك وجسمك وإنك تبيع قلمك وإسمك ما يجيبوش حق الرغيف سألوا جحا عن سر ضحكه قالك أصل اتنين وشبكو اللى كان من تحت ميت واللى كان من فوق كفيف دا شعور سخيف وشعور سخيف إنك تكون رمز الشحاتة تبنى مبنى للشحاتة تعمل وزراة للشحاتة يا ساقية دورى ... عدى فوقى ودوسى نصبوا عليا وشحتونى فلوسى ربطونى فيكى .. حتى ما اتغميت هما اللى فرحوا ووحدى أنا اتغميت أنا اللى صاحب البيت عايش بدون لازمة ولما مرة شكيت إدونى بالجزمة أنا اللى زارعك دهب بتأكلينى سباخ إن كان دة تقل ودلع بزيادة دلعك باخ لا شفت فيكى هنا ولا شفت فيكى ترف كل اللى فيكى قرف كرامتنا متهانة واللقمة بإهانة بتخلفينا ليه لما انتى كارهانا يعنى ايه تبقى إنتى هبة النيل يا مزة وكل يوم المية تقطع يعنى ايه لما اشتكى غلو الفاتورة يقولو تشكى بس تدفع لما قش الرز ثروة بتتحرق وأما نفط الأمة ثروة بتتسرق وأما جلادك على ولادك بيبطش وأما علمك ما يلاقيش يآكل فيطفش يعنى ايه نرفع ايدينا بالسلام لجل الغزاة ويعنى ايه لما ابقى ماشى فى حالى اتشد اشتباه يعنى ايه لما اتحبس أربع سنين حبس احتياطى يعنى ايه مش حاسة بالعمر وغلاوته بتصبى مر العمر ليه دة انا كنت ح اوهب لك حلاوته أنا عمرى ما أتأمرت ولا حطيت شروطى ومكان ما ترسى مركبك بابنى شطوطى أنا كنت جيشك لما مماليلك باعوكى وكنت يوسف لما عشتى سنين عجاف وضلوعى دى اللى فى معركة قادش حموكى وشفايفى دى اللى ما بطلتش فى يوم هتاف دة انا كل شبر فى أرضك اتمرمغت فيه وكل يوم عشتيه أنا اتغذبت بيه علا صوت أدانك جرس فى الشدة صاحينلك من امتى كانوا الحرس هما اللى باقينلك بعتينى علشانهم وعنيكى معصوبة ياهلترى خاينة ولا زيى مغصوبة علمونا بالعصاية ورضعونا الخوف رضاعة علمونا فى المدارس يعنى ايه كلمة قيام علمونا نخاف من الناظر فيتمنع الكلام علمونا ازاى نخاف وازاى نكش بس نسيوا يعلمونا الاحترام فمتزعلوش لما ابقى مش باسمع كلامكم وماتزعلوش لما ابقى خارج عن النظام مستنى ايه من طفل ربوه بالزعاق غير المشاكل والخناق كل اللى بيقولك بحبك دول نفاق أنا لما قلت لك بحبك كان نفاق الحب يعنى اتين بيدوا مش ايد بتبنى وستميت تيت تيت يهدو الحب حالة الحب مش شعر وقوالة الحب يعنى براح فى قلب العاشقين للمعشوقين يعنى الغلابة يناموا فى الليل دفيانين الحب يعنى جواب لكل المسجونين هما ليه بقوا مسجونين يعنى أعيش علشان هدف علشان رسالة يعنى احس بقيمتى فيكى إنى مش عايش عوالة يعنى لما اعرق تكافئيى بعدالة الحب حالة الحب مش شعر وقوالة الحب حاجة ما تتوجدش فى وسط ناس بتجيب غداها من صناديق الزبالة بارت مراعينا والبئر قد جفَ والجوع يكوينا والصبر ما كّفى والقلب لا يهدا والجرح لا يشفى ولأننا طوع زنا لهم خفا جاءوا بموكبهم واشتغلت الزفة الدفة مظبوطة وأصلا مافيش دفة والكفة مش مايلة علشان مافيش كفة و جحا اللى جاى بالليل لساه بيتخفى شايف ديدان الغيط سارحة ومارحماشى من جبنه شاف الدود سابه وراح ماشى ولا اتكسف للناس ولا حس على طوله الناس عشمها كبير جريوا بيشكوله ضحك جحا ضحكة مواشى مادام بعيد عن طينى ... ماشى الدود قاعد لك يا جحا ولابد فى طينك بعد ما يمص فى دمانا مش حيحلاله الا طينك احنا اهلك احنا رجالتك أمانك إحنا وقت الشدة سندك إحنا زادك يا جحا احمى ولادك لو كنت عايز تحمى طينك سوف أرحل ربما يلقانى من ارجو لقاه هامشى ويا الشحاتين وابكى على حلمى اللى تاه بس مش هاشحت رغيف هاشحت وطن لله ........................ |
|
|
|
|
09-15-2011, 08:00 PM
|
#4 | |
|
مشرف عام
|
آخر ما حُرِّف في التوراة القصيدة مقاطع بعضها بالفصحى والبعض بالعامية للتفريق سنكتب مقاطع العامية بين أقواس وضعوا على وجهي مساحيقَ النساءْ الآنَ اكتبْ ما تشاءْ كن شاعرا .. كن كاتبا .. كن ما تشاءْ الآنَ انتَ مُهَيَّأٌ كي تصعدَ الزفْراتُ منكَ الى السماءْ ما دمتَ في زيِّ النساءْ فاصرخْ وناهِضْ ما تشاءْ وارعِدْ وهدِّدْ مَنْ تشاءْ وسَنَرْتَضِي منكَ الضجيجَ ونرتضي منك السُّبابَ لأن هذا ما نشاء ... واتمدَّدوا في ارضي ما تقولي يا ارضي مين شَيَّلِك بالطين ؟ مين حَبَّلِك غيري ؟ طب كنت انا ف " حطين " ؟ ولا كان صلاح غيري ؟؟ رافض اقولك يا وطن شعر وقصايد رافض اصوغك يا وطن سطرين ادب ما بَقِتْش قادر ع الادب خمسين سنة !!! ( القصيدة كتبت عام 1998 ) عُقبال يوبيلك الماسي وابقى " هشام " صهيون يبقوا اليهود ناسي ولما حتجوز ويجيني صهيوني راح اجَوِّزُه بنتي ما انا خوفي لآدِّيها لعربي يسرِّحها !! ما غارش على بلده .. حيغير على بنتي ؟! السادةُ العربُ الموقرُ جمعُهم الامةُ العربيةُ ( عروسٌ ) أنتم لم تصونوها عروسْ هجََّ الجرادُ إليها .. فهربتم .. واختبأتم في المساجدِ والكنائسِ قاتلتموهم بالصلاةِ .. وبالبخورِ .. وبالدعاءِ رُكَّعا وجُلُوسْ .. عجبا لِهَا تلكَ الطقوسْ !!! لا جُرمَ عليكِ فلسطينُ .. لا جرم على امرأةٍ تزني ما دامَ الزوجُ الأصلُ ديوثْ .. يا سادةَ حكامِ الامةِ .. الغفلةُ ليستْ للحكامْ .. عَلَّمَنِي ( أكتوبرُ ) درسا كيفَ يكونُ هناك سلامْ .. أولادي بَصَقُوا في وجهي .. كتبوا لي في الغرفةِ سطرا .. إنْ ماتَ الابُّ فِدا وطنٍ .. ما أحلى عيشَ الايتامْ .. يا وطني لا يمكنُ أبدا أن يرحلَ عربيٌ مِنَّا للغربِ بدونِ استعلامْ !! فلماذا تفتحُ أبوابا ؟؟ وتُنَكِّسُ رأسا وظهورا ؟؟ وتُسَلِّمُ بِكْرَ عروبتِنا ؟؟ كي ترفعَ ساقيها سَفْحا ؟؟ وتصفقُ للذَّكَرِ الأقوى !! وتَكَلُّ من التصفيقِ تنامْ !! سبحانَ ارادةِ ( أُنكِل سام ) !! وطني يا وطنَ الموبوئين ووطنَ المهزومين ووطنَ الحبَّاكين ووطنَ النَّفْطِيِّين ووطنَ الـ .......... انا والشعرُ مهزومانِ .. منفِيَّانِ .. مُعتَقَلان فيك .. إذا ما استنجدَتْكَ القُدْسُ مَنْ سيغيثْ ؟ يا وطني شكِّلْني رجلا .. صنِّفْني عندَكَ في بَنْدٍ لا يحملُ تاءَ التأنيثْ .. إن دبَّ الخوفُ بأطرافِكَ قَطِّعْ أطرافَكَ يا وطني فالمرضُ خبيثْ .. كيف اقولِّك بحبِّك ؟ وانا اللي فعلا بحبك بس مش طايق .. تبقي انتي ويّايا ف سفينة حبنا الطارح ورق اخضر .. وريحة البحر الوحيدة اللي تدوّخ رِقِتِك تنزل عنيكي من الكسوف خايفة لاشوف في عنيكي حاجة من اللي جوّا وإيدك المرمر على رجلك ليِتْشَاقَى الهوا من فرحته يخطف طراطيف الجونلّة .. بضحكة هالّلة محمّلة براكين وشوق .. ومخطّية كل الشقوق .. ويادوب افوق .. القى السفينة بتمشي بينا تهزنا .. والقاني مش سايق .. فارجع كما الاول .. نفسي اقولك بحبك .. بس مش طايق .. الاربع اللي فات صِحْيِت حيطان البيت م الفجر صَحِّتْني .. كان القمر كسلان والصبح معرفنيش عيِّل ماليه الطيش .. بجري على ميعادك .. وانا جاي في قلبي حكاوي ولما تمشي بلاوي ف جِتِّتي قايدة حاولت احاول اقولها رجعت بلا فايدة حسيت بإيدِك ونفسِك وصدرِك غيَّروا لوني نعسان يا جِفْنِك .. كما شلال وكوم حبال دَلُّوني وعَلّوني لِسَّاني شَعري اسود ودراعي قادر يشِيلك بس العِلَل في الوطن هما اللي علُّوني كان نفسي اقولك بحبك خفت اكون كداب يا ام الهوى حقايق كان نفسي اقولك بحبك بيروت رقصت في قلبي لَقِيتْني مش طايق تمثالُ " سليمانَ " سيزحفُ ويجرُّ الجُندَ الى الاقصى والنملُ العربيُّ مُطيعٌ .. عجبا لِغُزَاة لا تُعصَى لن يُصْرَمَ شعبُكَ يا وطني فرجالُكَ كالفِيَلَة بطْشا .. وذكورُ الفيلةِ لا تُخصَى .. قاتلْهم يا نخلَ الوادي قاتلْهم يا رملَ الوادي إن قطعوا نخلَكَ يا وادي ستظلُّ رمالُكَ لا تُحْصَى .. سامحيني يا وحدِك بستسمحك وحدِك انا اللي عمري ما اشتكيت هجرِك ولا بُعدِك ولا اشتكيت من وجع صدك ولا ردك بستسمحك وحدك خايف عليكي من القصايد تدهنك اسود بلوني كل كوني قِيلة .. كوني ف كوني ضِلّة خايف عليكي من الكلام .. اصل الكلام في بلادنا عِلَّة تحت البيوت عسكر فوق اللسان عسكر بين الضلوع عسكر طب كيف اقولّك بحبك وضلوعي مُحتلّة انتي اللي من يومِك طريقي وريقك السيّال كما شلال يا دوبك بلّ ريقي الليلة بتمرد على ريقي وطريقي وبرفض البلّة سامحيني يا وحدك بكرة اما اجيب ارضي حِمْلاها ليكي طيوب مقدرش اسيب حبي بذرة ف وطن مسلوب انعس في حضنك كيف ؟؟ ورجولتي مش ملكي كل اللي رايح روايح اما اللي جايلك فضايح سُكِّي البيبان سُكِّي رحلوا إلينا تحت أضواء القمرْ نقلوا مدائنهم .. قواعدهم .. إلينا تحت أضواءِ القمرْ لو جاء عاتَبَني القمرْ .. فبأي شيء اعتذرْ ؟ حبيباتي اللواتي تركتُهنّ قبلَ أنْ اسافرْ الآن منهم تقبلني كزوج بعدما مُلِئَتْ مديتُنا عساكرْ ؟؟ " فيروزُ " يا كلَّ النساءْ .. يا كلَّ اجراسِ الكنائسِ .. كلَّ أحلامِ الاوانسِ كلَّ هَمْساتِ الأحِبَّةِ في الخَفَاء .. " فيروز " يا كل الغناء أحلامنا في السّهل ما زالت تطاردُ ظِلَّنا خلفَ الخميلةِ لا تزالُ سجائري .. وقصائدي .. ورجولتي حين احتضنتُكِ .. وقتَها كانت مديتُنا فضاءْ في ساحةِ البيتِ القديمِ غرامُنا .. ونقوشُنا .. ومطاردات طفلين يجريان ويمرحان .. ويسكران محبةً حتى إذا حَلَّ المساءْ .. كانا - برغم تحذير الاقارب - يتركان البيتَ وينامان سرا تحت جدرانِ الفناء .. " فيروز " يا زهرَ الفناء .. ماذا اقول لعشقِنا ومشردو التاريخِ الآن يملَوْن الفناء ؟؟ قتلوا غرامَكِ يا " جِنَانُ " فسافري .. ما عاد في بغدادَ " نواسٌ " ولا شعرٌ ولا مُلكٌ ولا سيفٌ ولا اسماءْ .. ولا احياءْ .. انا ذا أطَعْتُكَ يا " ابن رُشْدٍ " واعتزلتُ مطامعي ووساوسي .. وخلعت اثوابَ التصّحرِ والتغّربِ وانتظرتُ عروبتي .. لكني ادركتُ أني كنت في غيبوبتي .. كإناء ماء لوَّثتْه ثقافتي .. ما أصعبَ التثقيفَ في شكلِ الإناءْ !! يا خليجَ الأمةِ العربيةِ اقرأ باسم ربك الذي خلق المسارحَ .. والمصايفَ .. والمطاعمَ .. والنساءْ .. لبنـــــــانُ يا عِشْقَ القصائدِ .. كيف عنوانُ القصيدةِ دونَمَا ذكرُ الدماءْ ؟؟ بالقدسِ لي ارضٌ ونخلٌ وغُلامةٌ كانت تخبئُ كلَّ اسرارِ المحبةِ فيهْ .. لا اطلبُ المسجدَ الاقصى إني أطالبُ بعِشقي وللبيتِ ربٌ يحميهْ .... |
|
|
|
|
09-15-2011, 08:01 PM
|
#5 | |
|
مشرف عام
|
24 شارع الحجاز إتدلّعي .. واتبغدَدِي .. واتفاخري .. واتباهي قولي لكل الناس .. ده عشقني والله .. لِـمِّي العيال حواليا زِفُّـوني .. ظاظوا عليّا وحَدِّفُوني طوب .. ما انا اللي سِبْت عنيكي لَفُّوني .. وانا اللي استاهل كل يوم مركوب .. فاتدلعي .. واتبغددي .. واتفاخري .. واتباهي آدي ضَحِيَّة كمان فِدا رِمشك الساهي .. موت الضحايا جَزَايَـا .. ما انا اللي وَدِّيـتِـك .. ولْـحَدْ حَدْ ما وَدِّتُـوش ولا حَدْ وَدِّيـتـك .. وقَلَعْت كل سنيني على خَصْرِك .. ضَفَّرْت شَعْرِك عِشّ جُوَّايا .. بايَـعْت حُكمِك وابتَدِيت عَصْرِك .. ووقَفْت ورا عرشِك ومَسَكْت هـوَّاية .. موت الضحايا جَزَايَـا وكُلَّها ضحايا .. مين اللي قال الحب آخره عَمَار ؟؟؟ الحب آخره نهاية في رحَاية .. القسوة طاحنة والحجر دوَّار .. فاتدلعي .. واتبغددي .. واتفاخري .. واتباهي واستنكري من عزتي .. واستهتري بـجاهي خَلِّيني مضرب مَثَل من بعد هيبة و وزن كُبَّي المرار في العسل .. واملي الفرح بالحزن يعني انتي أولهم ؟؟؟ ولا انتي اول همّ ؟؟؟ ولا انتي اول سهم إتْسَنْ لي واتسمّ ؟ لو تكشفي ضهري تلقي السهام علامات .. وانا زي زرع ف هوا وَطَّى حِيِـي وعَلامات .. موت العلالي شرف .. بس اسمها موتة .. مش عدل تبقي ف ترف وانا باطفح الكوتة .. ما يا إمَّا نَقْسَمْهُم وَخْزَة قُصَاد وخزة .. يا إمَّا لا مواخذة .. توتة يا حدوتة .. وابقِي اكدبي براحتِك .. واتدلعي براحتِك طعم الهزيمة جِزَا للي يزور ساحتِك وانا قلبي ياما غلب .. مش عيب يبات مغلوب اهو برضه فِدْتينا وكَفَّـرنا بيكي ذنوب ولَـحَسْـنا من شَهْدِك وشرِبْـنا من رِيقِك وسْكِرْنا من كاسِك وكَسَرْنا إبريقِك وطْعِمْنَا من حُسْنِك وشْبِعنا بِـبَـريقِك ومْشِينا في طَريقِك .. ورجِعْنا مَـلْـوِ اليَدّ .. جَرْحِي قُصَاد جَرْحِك .. ولا حد ظالم حد .. ولا انتي فاكرانا رجالة خيبانة ؟ نبكي على النسوان ونْسِحّ في بكانا ؟ كنتي اسألي " نانا " اللي اسمها " نانا " يا دوب زِعِلْنا يومين واهي دنيا لاهْيَانا ما تكدبيش ع الناس .. الناس دي عارفاني قلبي خشب لو غطس بِيْقِب من تاني فماتحرجيش روحِك وتقولي ده عشقني بدال ما صاحباتك يقولك آدي دقني حِبِّي على قَدِّك واحكي على قدك وان جت سيرتنا ف يوم ابقي الزَمِي حَدِّك تتدلعي ماشي .. تتبغددي ماشي وتقولي حبني موت برضه ما يـجراشي بس انتي من جوا فاهمة ان زمنك مات وبقيتي زي اميرة قلبها شحات لِفِّي على صحابي .. سِبِّـيني في غيابي قولي ان عمرك يوم ما وقفتي على بابي لا كَوِيتي قِمْصاني ولا جِيتِـي زُرْتِيني وللا تعرفي مكاني ولا تعرفي تـجيني واني يا دوب واحد دايب ف دباديبك عامل كما عَيِّل شابط في جلاليبك وانتي يا عيني أُف زهقانة مني خلاص عملتي زار بالدُّف وسُقْتِي كُلّ الناس وانا برضه لازِقْلِك معلش حَظِّك كدة رَبِّك ورازِقْلِـك روحي يا شاطرة هناك انضمي للالبوم انا كل عشرتي بيكي 22 يوم عملتي نفسك حكاية ؟؟ ومحبة فيَّـاضة ومَخَدَّة بَكِّاية ؟ وسهر وسُهْد وويل ؟ وبكا و غنا و مواويل ؟ في 22 ليل !! على اي حال شكرا وشكرا ثم شكرا للقصيدة قَلَّما تأتيني امرأةٌ بأفكارٍ جديدة |
|
|
|
|
09-15-2011, 08:03 PM
|
#6 | |
|
مشرف عام
|
إيزيس نفسي أنام فينك ؟ يا ام الرموش عنقريب ( العنقريب سرير يصنعه اهل النوبة من الجريد ) ماتدمّعيش عينك الفرح جاي عن قريب إيزيس إزاي بتتحمّل ؟؟ أنساها .. وتجيني .. أسقي بنات الدنيا إلاّها ولما العطش يكويني أقاها هي اللي تسقيني تهديني يوم وردة أدِّيها لفلانة تجري على حضني احكيلها عن نانا إزاي بتتحمّل ؟ غمز البنات واوعر من غمزهم ردِّي جاياني ملهوفة ما تلاقي غير صدِّي أحزن في أحضانها وافرح هناك وحدي يا ام القليب اتخلق معرفش غير يِدِّي يا ام الفؤاد ولاّد معرفش غير يعشق الصبر عدّى وزاد يا قلبها المتقاد ما عرِفت يوم تزهق كانت بتلبس لي اجمل فساتينها ترمي ف صحاريا أفتن بساتينها تِدْمع رياحينها ولا قلبي يوم يشفق وإزاي بتتحمل ؟؟؟ كُتر الكلام عني بحكاوي وانا غايب الليلة كان سهران الليلة كان سكران الليلة كان عاشق والليلة كان دايب يا ام الرموش طايشة وام العيون لامّة حضبك ما حيسعنيش انا بَلْوِتي طامّة اربع سنين يا هوا مِلْكِيّتي عامّة كل البنات اتلبنوا بيا وتفُّوني ورسموني خروف معلوف وسمعوا قصايد وابتسموا وصحيم بدري يوم العيد ودبحوني بقالي ييجي اربع سنين مسمار في غيط شواكيش دَقُّوا على راسي لكن مثبتونيش يوم التقي مرسى وسنين ياخدني الطيش كل الالم فيّا ومش قادر اتألم وبتصعبي عليا ومش بقدر اتكلم انا نفسي بس افهم كل البلاوي ديا ازاي مابعّدوكيش سامحيني لما اغلط وانا تاني رايح اغلط لجلٍ تسامحيني احلى ما في التوهان اول ما باجي اوصل واحلى ما في الاحزان انك تضميني يا مسكناني ضلوع جواكي راح وبراح ما بينلهاشي رجوع شكلي حاموت سواح كان نفسي فيكي زمان أياميها كان لي قلب كانت الحياة خضرا النخلة والبقرة والقلب طين ابيض بينام على القرآن وبيصحى وقت الحَلْب اياميها كان لي قلب ايه اللي قلب النور ضلمة وليل راسي ؟ واشمعنى فوق راسي يحلا العذاب والقلب ؟ واشمعنى سابوا الناس بقلوب خضار وعمار ؟ وف قلبي نِزْلوا سَلْب ؟ انا اول اللي اتصلب بس التاريخ كداب مفهمش معنى الصلب ركعوا البنات ليا واتّنوا قدامي وفي حفل اعدامي ضحكوا وقالوا كلب انتي اللي دمّعتي جمّعتي جسماني من مملكة ايزوريس ويا ريت ما جمّعتي طب كنتي سبتيني ادخل هنا غزوة واعمل هنا هُدْنة وما دمت انا ميت ايه تِفْرِق الدفنة ؟ ما البحر راح يسبق لو مهما جدّفنا انتي اللي بتعاندي وعشمانة في الجنة والجنة مش ليا إزاي بتتحمل لوم الصحاب فيا ؟؟ على ايه غرامك بيه ؟ ده التبن من تحتيه باقي الماعون مية تضحك على قولهم وتبص في الساعة وتقول زمانه صِحِي زيدي كمان نورك يا ام الجبين الضَّحِي جَنّنِي صوت حزنك إياكي يوم تفرحي لا الفرحة تسرقنا لا انا حِمل مهرك ودهبك ولا جاي معاي عاجِك ولا حمل توب من حريرك ولا ماسة من تاجك ده انا بالكتير حاجج من وسط حجاجك جيت لك في شهر حرام فمتهدريش دمي ماتقربيش مني مانتيش كِفَا همي وَلِّي لحجاجك يا ام الجبين عرفات حبك كما الصلوات والقِبلة مش يَمِّي يا معلماني الهوا ومسَكِّنة التباريح حبك نخيل طارح ميهزهوش الريح ارمي الحجر جارح تنزِل رطب مجاريح إزاي بتتكسر اشواكي جواكي ابكي على صدرك القى البكا تفاريح إزاي بتتغير دنيايا جوايا اول ما اكون جنبك وإزاي يجيلك صبر تنشفي بكايا والذنب مش ذنبك انا الاعمى جفاني الحب ونسيته على ايدين اللي تتسمى ما تتسمى قطع راسي على خوانة ولا كَبَّر ولا سمّى ولا سابني اموت مستور ولمّ عليا ميت لمّة وذنبك ايه بقية السكة تقضيها بعجوز اعمى ؟ انا اللي الناس بتخشاني هوا ومنظر هموم الدنيا خاشاني وبتمنظر وعايش عيشة خشّاني وبتغندر وبتلكلك في حضن الليل سُكّيتي عواصفي فوق حدود وصفي وبابك صعب يتحمل عواصف مهما سَكّيتي انا المدبوح ولما تقول لي حبيتك بحس دماغي واكلاني اردّ بايه على بنيّة في كل كيانها شايلاني انا المجرم وانا القاسي وانا اللي نسيتها ميت مرة ما نسيتني ومشيتها في دروب مرة ما ملّتني وداست ع الطريق حافية وسلّتني وصحيت بدري وقت الفجر صلّتني ارد بايه ؟ وقلبها سابها في متاهة قليل الاصل غَيَّاها وقلبي التاني قسّاني وقلّ باصله ويّاها غرامك يا ام طيف مخمل بيتجمّل ويفرش صدري بالعنبر وبالمحمل انا المعشوق يا كل العاشقين غيروا تحبوا شيء جميل طبعا لكن تتحبوا ده الاجمل حبيبتي احلى من شعري واحلى م الحروف كُمَّل ولا بتهجر ولا بتغدر ولا بظلمها تتململ لكني في حيرتي بستغرب انا ازاي مش بغني لها ؟ وهي ازاي بتتحمل ؟؟؟؟ |
|
|
|
|
09-15-2011, 08:03 PM
|
#7 | |
|
مشرف عام
|
هي المبلة ناقصة طين بعد شغل اليوم فى غيطنا من عادتنا كنا نقعد عند راس الغيط بتاعنا على القناية تحت توتة فارشة ضلهها على النجيلة كنا نقعد زى عيلة والكلام يبقى برحتنا نشرب الشاى فى العصارى قبل مانروح بيوتنا الكلام كان يبقى بينا عن جواز عبد السميع واللا صوت الشيخ مطاوع ولا موسى يوم جوازه واللا اسعار التقاوى واسعار الكيماوى الى فاق كل التصور وزاد عن كل حد مرة بنهزر ونضحك ومرة تانية بنبقى جد كنا بنفرفط همومنا اللى غطت هدومنا كنا دايما نبقى خمسة زاد علينا الواد سلامة ابن ابراهيم واد بيفهم فى المكن زى المهندس بالخصوص لو كان قديم باختصار جه مرة جنبى وقاللى شوفتوا الملعونين قلت مين قال يعنى فى حد غيرهم اليهود والامريكان قلت مالهم قالى ايه انت مش عايش معانا ابتدوها حرب تالتة خططولها من سنين وابتدوا بالفلاحين قلت ليه دول بيدونا التقاوى والمبيد قال خلاص تبقى جبت المفيد لما يدولك التقاوى والكيماوى والمبيد تبقى اييه ؟ قلت قوللى من جنابك نستفيد رد قال تبقى لعيالهم عبيد قلت ليه قال متخليك معايا لو منعوها مرة عنا ارضنا نزرعها ايه اوبايه قلت الله يعنى ايه هى الدنيا سايبة فيه حكومة وبرلمان قاللى اااه ده كان زمان لما كان فى كل بيت سومعتين واحدة فيها التقاوى والكبيرة للطحين واللا ايه يابا اسماعيل اتعدل عم اسماعيل وقال يابنى بصراحة كلمتين معقولين خلو عقلى يابنى لف وافتكرت ايام زمان لما كنا صف واحد كامب ديفيد قسمتنا الف صف رد مرسى قال ليه يابا اسماعيل كامب ديفيد كانت علشان نبقى فى سلام قاله انت فاهم إن السلام يبقى بكلام والا يعنى الحرب ضرب الحروب اشكال كتير منها زى مقال سلامة فى التقاوى منها برضه فى الصناعة والسياسة والاقتصاد والى ماسكين الصناعة رجالتهم والمصيبة هما اصلا عيالنا بس منهم اللى هاجر راح امريكا الكويس يمسكوه يبقى عالم عندهم ويجنسوه اما لو يرجع بلاده يقتلوه والى صايع وضايع همه برضه يحتاجوه يبقى واحد زيهم ويعلموه واحدة واحدة يلمعوه يبقى صايع بس دولى سرقة ونصب يدربوه جيمس بوند الامريكانى اى دوله جاى منها يبعتوه لاجل مايسرق فلوسها مرة تانيه يروحلهم يستقبلوه اصله حول عندهم فلوس كتير يبقى لازم فى المطار يستقبلوه رد مرسى افهم واحده واحده ازاى يسرق ؟ قاله شوف لما ييجى لبلده يبقى صايع يكتبوا له فى جواز السفر صاحب مصانع يبقى جاى اخر قيافة والكلام يبقى بقلاطة مرة تانية باللطافة واحنا ناس اخر هيافة والكبار بيعظموه للبنوك يقدموه بعد فترة بالخديعة والرشاوى يشترى منا المصانع من فلوسنا فى البنوك قاله قول يرحم ابوك قال سلامة شوف كلام عم اسماعيل جاب قرار المشكلة للحيرانين شوف كلام اهل النباهة واحنا بنقول الحكومة ايه جرالها والبنوك عايشه فى متاهة قول وكمل رد قال بعد فترة يطرحوها تبقى اسهم ويبيعوها والعمالة يسرحوها واللى زيك واللى زيى مرة تانية يشتروها لما يقبض الفلوس هب على بره قبل مايسدد البنوك ساقيه دايرة يابن عمى مش كفايه سفكو دمك قال كمان هيحلبوك رد مرسى باعلى صوته ينصر دين ابوك قول وكمل هى دى الحروب ؟ اللى لما تسألنى العيال عنها مكنتش بعرف اجابة قال سلامة للحروب اشكال كتير منها نبقى على الحديدة واقتصادنا يروح شتيت اللى يبيع الهوا واللى يعمل زيت وشامبو واللى يعمل بسكويت واللى يعمل اى حاجة فى اى حاجة يبقى رامبو والاجانب تبقى جنبه والقطاع العام باعوه والقطاع الخاص دلعوه صلتوه يكتم لسانه واللى ما يعجبه يرفدوه كلها مخطط امريكانى شوفت حرب المكروبات كلها امراض بلاوى ماتلاقيش حتى المداوى كان زمان فشل الكلاوى واللى جه من الهرمونات شمموا حتى النبات واللا شحم وزيت مخلط لما ياخد مكسبات يبقى طعمه زبده بلدى والمصيبه فى الاعلانات شجعوها الفلاحات والسموم نشربها بطعم الفواكه واللا حرب الاعلانات شوفت ترقيص البنات اللى بتثير الغرايز للشباب واللا العجايز كله متخطط وجايز لاجل حرب المسلمات والمشايخ اخر سكات دى كانت البدايه والبدايه وصلنتا للنهاية البدايه فى التقاوى والكيماوى والجديد فى السياسة والاقتصاد حتى تعليم الولاد الفساد غطاه وزاد والقيم الناس باعوها بالدولار همه اشتروها وبفلوسهم مزعوها قطعوا توب العقيدة القييم ياخلق هوووه القييم هى توب العقيده والعقيده النهارده واقفة ملط زلط ملط بهدلوها فى العراق فى الشيشان واللا فى البلقان عموما واللا غزة ورام الله دا الليالى السوده هللا شوفتو كام حجم الدمار الغلابة فى قندهار واللا احكام الحصار والعرب زى الارانب والاجانب زى غول حد شاف تدمير كابوول قلت قول وكمل مانتا متسلط علينا لاجل ما تنكد علينا وانت عارف حكم الطوارىء ماتزيدش عنا يعنى خمسه واحنا خمسة قبل مانشوف سيادتك كنا خمسة مضبوطين حسب القانون فز قوم روح فى داهية واللاه قبله اقوقلك قبل ما تطول لسانك الكلام هيفيد بايه ماتروح تقول للمسئولين قال هما فين المسئولين قلت يعنى النت مش عارفهم هى يعنى البله ناصه طين طب انا هاقولك ومش هاخاف حكام العرب وشيوخ المسلمين بصراحة دول الغلطانين همه لو يفهمونا واللا كانوا يسمعونا واللا حتى يشركونا انما ساكنين قصور فيها متعة وحور كانوا عايشين فى العلالى واحنا يستجهلونا لونعبر بكلمة يمنعونا يحسبوها قال مظاهرة والعداوة تبقى ظاهرة والحرس يفرقونا والمصيبة يأمروهم يحبسونا قولهم يابن ابراهيم قولهم مركبنا واحده انتوا خايفين منا ليه واحنا خايفين منكو ليه لو هنبقى يد واحده كان شارون واللا اسمه ايه واللا زفت الطين وبوش كان يخاف من الشعب كله اما انتو لو وحوش وحدكوا متخوفوش عشموكوا بالوعود والعد طلع فاشوش والمصيبة اللى ادهى كله عارف انها حرب الاباده والوقوف ضد العقيدة والحكايه مش جديدة مش حكاية ابن لادن واللا غيره الحكايه كلها طير بيلوف بطيره من زمان بيخططوله مهدوا لها من زمان فرقو بين الجيران روح وقول للمسؤلين حربهم هتطول فى اسيا والعداء للمسلمين روح قولهم نعمل ايه واللا عايزين منا ايه لما يبقى الكل خايف راح نعمل احنا ايه وانت شايف كله شادد لحاف ونام واللى دافن راسه فى البطانيه زى النعام سك على الشاى يابن خضرة وادلق الشاى فى القناية فز قوم _ ميت يمين لو تعدى مرة تانية مانت شارب الشاى معانا قعدتك اخبار غم جاتكوا نيلة جاتكوا هم كلكم نازلين كلام احنا ناقصين حرقة دم |
|
|
|
|
09-15-2011, 08:04 PM
|
#8 | |
|
مشرف عام
|
كرهتك
كِرِهـتِكْ قَدْ مَا ضِحْكِتِى عَلَىَ شَقَايَا كِرِهـتِكْ قَدْ مَا امِّىِّ تِحِبْ رُؤْيَـايـا وَ قَدْ رَعْشَةْ ايْدِىَ وَانَا بَكَتْب أَوَّل قَصِيِدَهْ أَكْتبهَالِكِ آَخَرَ قَصِيِدَهْ أَكْتبهَالِكِ وَ آَخِرْ قِصَّهْ فِىْ كِتَابِكَ وَ آَخِرْ كَلْبُ فِىْ كِلَابِكَ وَ آَخِرْ طَيْف يِّبَاتِ الْلَّيْلَ عَلَىَ بَابِكْ دا انَا الّلِى كَسَّرَتْ الْسَّهَرِ وَ رَقَصْتُ وَيَا الْلَّيْلُ وَ رَقَّصْتُ الْقَمَرَ أَنَا الّلِى فَضَّيْت بِكْر نَجْمَهُ فِىْ الْسَّمَا بَكّيْتُ نُجُوْمُ وَ طَلِّقَتْ ايْدِىَ فِىْ صَدْرِ نَسِمَه اتْلَخْبَطَتِ بَيْنَ الْغُيُوْمِ أَنَا الْجَخ وَ سَامِعه عَنِّىْ وَ عَارْفَهْ انّىْ كُلُّ يَوْمَ كُنْتُ قَبْلَكِ وَيَّا وَاحِدَهْ وَ يمْكِن وَيَّا اتْنَيْنِ فِىْ يَوْمٍ تِكْسِريَنّىْ؟! ... لَا يَا عَيْنَىَّ انتى وَاحِدَهْ مِنْ أُلُوْفِ وَ يَامَا وَانَا عَايِشْ هشَّوفِ انتى مَجَوَّعَة قَصَايِدْ بِالْمَحَبَّهْ بتَبْتَدَىْ وَهِىَ دِى آَخَرَ قَصِيِدَهْ أَكْتبِهَالِكِ وَ كَانَ بُوْدِى اسْمَعَهَالِكِ نَبْرَة الْحُزْنِ فِىْ كَلَامِى مُشْ نَدَمٍ مَا أَنَا خِدْتْ مِنْكَ كُلُّ حَاجَهُ وَسِبِتِلكِ حَبَّةٍ أَلَمْ أَنَا خِدْتْ مِنْكَ كُلَّ شَئٍ وَ فَضَلَتْ قُدَّامَكَ بَرِئَ كُلِّ مَا فِىْ الْأَمْرِ إِنِّىٓ لِسَّهْ ماشَبِعتِشِ خِيَانَهْ تَعْرِفى يَا نَانَا الْخِيَانَهْ ؟ مُشْ خِيَانَهْ تِحِبّى غَيْرِى .. يَا خَىْ حبِّىَ غَيْرِى هَمَشَى مَعَ وَاحِدَهْ تِشوَفِيُّهَا وَ زَىْ مَا هغَيّرِ انتى غِيْرِى مُشْ خِيَانَهْ بَسّ تِبْقَى خِيَانَهْ عُظْمَىَ يَوْمُ مَا يَبْقَىْ الْحُبُّ كَلَّمَهُ يَوْمُ مَا تِبْقِىَ مَ البِدايَهُ حَاطَهُ لِلْقِصَهْ نِهَايَهْ يَا ترَىْ لِساكىٓ فَاكْرَهُ ؟ فَاكْرَهُ يَوْم مَا رَمّيْتَّىْ قَلْبِىْ بِنَظْرَتِكَ قَلْبِىْ اتِجرّح ؟ كَانَ فَرَح أَنَا لِسَّهْ فَاكِرْ.. كَانَ فَرَح كَانَتْ الْرِّقَاصَهْ بْتزْفّلَىْ حُبِّك قُلْتُ احِبكِ يمْكِن الْحُبِّ يُدَاوِيْنِىِ وَادِى ادِيَنّىْ بكْرَهْ الْيَوْم الّلِى شْفْتِكّ بكْرَهْ الْشَّارِعِ بكْرَهْ الْلَّيْلِ الّلِى ضَمِّكِ بكْرَهْ الْقَمْرَهْ الّلِى بتَفْكَرَنّىْ بِيَكَىْ وَ بكْرَهْ اسْمِىِّ اكْمِنّهُ اسْمكَ بكْرَهْ انّىْ ابْتَسِمْ حَتَّىَ اتَرْسْمْ حَتَّىَ اتدْفنّ بكْرَهْ الْبَحْرِ الّلِى زَغْزَغَ صَدْرَكَ السَقَعَانَ فِىْ حِضْنِهِ جّيْتَّىْ حُضَنِىَ حَتَّىَ حُضَنِىَ بِكرْهُه لِمَا اتَسَعَلكِ بكْرَهْ الْشِعَرَ الّلِى خَلُلانِىْ ابْقَى نَعْلِك بكْرَهْ الْقَلْبِ الّلِى سَّابلِكِ صَوْلَجَانُهُ وَ بِكرْهِك وِالْلِّىَ زَانَكَ طُوِّلُ سِنِيْنَ جَهَ اللِيلادىْ وَ شَوّهِكِ لَا انتى نَاعِسَهُ وَلَا انتى عَبْلَهْ وَلَا انتى شُملوَلَّهُ الْخَجُوّلَهِ اتْكَسَّرْ جْوَايْهْ صَوْتِكَ واتكسّرِ جُوَاكىٓ عُمْر بَسّ عُمُرِكَ هُوَ عُمْرِىْ كَانَ بُوْدِى أُسَيِّب فِىْ قَلْبِكَ مَيْت أَتُوْن مِنْ طِيْن وَ جَمْر بَسّ قَلْبِك هُوَ شِعْرِى بِكرْهِك... يَالِلَّى ابْتِسّامْتَكَّ فَرَحَتَنّىْ وَ مَرَجحَتَنّىْ وَ زَحْزَحَتَنّىْ وَ كَبْرِتْ ... الْلَّهُ اكْبَرُ مِنْ كَلَامِكَ مِنْ غَرَامِكَ مِنْ عَيْنيِكَىْ السْودُه لَيْلٍ قَلْبِكَ الْمَكْسُوْرِ بيُعِلِنَ لإِنْتِصَارِىْ مَيِّت دَلَيْل وَ انْتِصَارِىْ مَال عَلَىَ وِدَانَىَ وهَمسَلَىْ قَالَلِّى " أُوْزوُلّد ّ" الْبَرِئَ مَا بْقَاشْ بَرِئَ قَالَلِّى إِنَّ " سِيْزِيْفُ " دا زَيْفُ وَ انْ قَوْلَة آَهٍ بِتِطْلَعْ مِ الصَّعايِّدِهُ فِيْنْ وْ فِيْنْ قَالَلِّى أَنساكىٓ فِىْ مِسَاكِى وَ امَّا اشُوفْ قَلْبِكَ عَساكىٓ تفُوَقّىْ مِنْ وَجَعٍ الْبَنَاتِ قَالَىَ بِالْرَّغْمِ انَّهُ عَارِف انّىْ حَبّيْتَكْ .. هجَيَتكِ وَ انَّهُ شَافِكْ كَاتِبَه اسْمِىِّ بِخَطِّ نَوْنَوْ تَحْتَ بَيْتِكَ قَالَلِّى شَافِكْ عَ المَرّايَه بِتَكْشْفِىْ صَدْرَكَ لِصَدْرِى قَالَلِّى صَبْرُكَ .. يَا دَىَ صَبْرِى ايّاكَ فَاكَرَنّىْ مِنْ حَجَرٍ الّلِى قَاسَى فِىْ حُبِّ نَانَا لَوْ حَجَرَ .. كَانَ انْفَجَرَ كُنَّا زَىّ اتْنَيْنِ فِىْ صَحَرَا مَا فِىْ نَاسْ مَا فِىْ عَيْبِ مَافِىِ خَوْفٌ مَا فِىْ بُكْرَهْ كُنَّا خَيْلٌ وَلَيْلٌ وَ مُهْرُهُ كُنَّا سُكْر وَ كُنَّا فُجْر وَ كُنَّا سَهْرَه كُنَّا نَتُوَاعِدّ بِكَلَّمَهُ وَ كُنَّا نَتَصَالَحَ بِنَظَرِهِ كُنَّا لِمَا تسَافِرَىْ أَوْ اسَافِرْ يَصِيْرُ الْلَّيْلِ مَالُوْش آَخِرْ أَكنْ عُيُوْنِكِ النَعْسَانَهُ مِجَافِيينِكِ وَ أُكَلِّمَ نَفْسِىَ طُوِّلَ الْلَّيْلِ وَ أَقُوْلُ فِينَكْ وَ كَانَ قَلْبِىْ بِوُسْعِ الْبَحْرِ..لَمْلِمْ مَوْجُهُ فِىْ سَفِيْنَكَ وَ نَفْس الْبَحْرِ دِلْوَقْتِى لَعْنَلكِ مِيْت سَلسَفَّينِكِ لَا عَادٍ مُوَجَّه بْيَهَوَاكىٓ وَ حَتَّىَ نُجُوْمَه فِىْ سَماكىْ رْمُوْكَىْ بَعْدِ مَا رَماكىْ وَ كَانُوْا فِىْ لَيْلَةِ زَفَّينِكِ .. وَ كَانُوْ يْنَامُوْا فَوْقَ مْريلَتكِ الْكُحْلِىُّ يْنِقَوْلكِ هُدُوُمِكْ يَوْمُ مَا نُكُوْن هَنَتَقَابِلَ أَنَا وَ نَانَا فِىْ طُولِ أَيَّامِنَا مَا كُنَّا بِنَتَقَابِلَ مَا كُلُّ الْنَّاسِ هتَتَقَابِلَ احْنَا كُنَّا .. احْنَا كُنَّا .. وَالْلَّهُ نَاسِىَ كَيْفَ مَا كُنَّا بَسّ كُنَّا يمْكِن الْحلِمَ اتَقَتّلَ بَسّ الْجَبَلِ .. لَوْ هَزّهُ رِيَحَ أَوْ حَتَّىَ مَالَ بَرْضَكْ جَبَل وَ انَا مُشْ جَبَلٍ مِنْ طِيْن وَقَش وَلَّا عضْمّىْ هَشْ إِنِ كَانَ عَلَىَ الْقَلْبِ الّلِى حَبَّكَ آَخِرِه نَعْش وَ انْصُبْلَهُ بَدَلَ الْخَمْسَهْ أَلْف وَ يَبْقَىْ مَاتَ وَلَا اتخْدَعِش كُنْتِ كِيْف السَبِيْه بِيَّا وَ كُنْت لَيَكِى عَبْد طَايْعْ صِرْتِ وَرَقَهَ وَ حِبْرٍ ضَايِعْ وَقْت فَاتَ وَلَا جابِشِ عَايَدَ مِشْ بَقُولَّك .. انُتُى مَجْمُوْعَة قَصَايِدْ لِمىْ وَرَقاتِك خَلَاصَ الْحَبْر جَفَّ وَ احْكِىّ لِلْجِيْلِ الّلِى طَالِع بُكْرَهْ يَضْحَك قَوْلِىْ لِابْنِكَ فِيْهِ زَمَان وَاد عَقْلُه خَفَّ اوْعَىَ لتصِيَدِكِ بِنَيَّه وَ زَىّ فَرَحُه يُوَلَّى فَرَحَكَ شِيْلِى عُمُرِك بِالّلَىْ فِيْهِ خَدَتْ مِنْكَ كَامْ قَصِيِدَهْ سَامَّحَىْ فِيْهِمْ حَقَّ كُرْسِيَّيْنِ مِعَسِّل مُشْ حِكَايَهْ خِدْتْ مِنْ عُمُرِكَ بُكَايَهْ وَ ابْتِسَامَّتَّىْ سَيبْتَهَالِكِ يَكْفِىَ إِنِّىٓ لِسَّهْ مَالِكٍ نَفْسِىَ وَ بخَبَىْ الْبُكَا شُوَفِى شَاعِرْ غَيْرِى يُوصَفُلكِ جَمَالِكَ أَمَّا عَ الَقَلَمْ الّلِى فِىْ ايْدِىَ شَارِيُه مِنْ دُكَّانِ صَعَيَدَىْ رَاسَهُ أَلْفَيْنِ دَوْمَهُ نَيِّهِ لانَسَىْ حُبِّكِ مِنْ أَسَاسُه عِشَتَّىْ طَبْعَا فِىْ الْصَّعِيْدِ وَ عِرِفَتِىْ نَاسُهُ يَبْقَىْ أَسْهَل شَيئ عَلَيَّا أَنْسَىَ حُبِّكِ وَ انُسَىٍ حَالِك وَانّى اقُوْل عَ الْقصيْدِه دِيَّا آَخَرَ قَصِيِدَهْ أَكْتبِهَالِكِ |
|
|
|
|
09-15-2011, 08:05 PM
|
#9 | |
|
مشرف عام
|
أباتشي
حَبِيَت تَدُوْس أَرْضِي ..أَرْضِي مَحبَتَشّيّ حْتَبَات هِنَا الْلَّيْلَةَ .. بُكْرَةً مَحَتْبَتَشّيّ حَمِّلَ قَنَابِلكَ هَاتِ .. كَيِّلْ وَحَمِّلَ لِيَ رَاحَ امُوَتْ .. وَوَقْتُ مَا امُوَتْ .. عَيِّلٌ يكَمِّلْ لِيَ مَعَنَاش سِلَاحَ مِ الْلَّيْ وَلَا طَيَّارَاتْ مِ الْلَّيْ وَالْبُنْدُقِيَّةَ الْلِيْ فِيْ ايْدِيَ حْياللَّهُ كَامَ مْلِّلِّيْ بِسَمِّيَ وِبْصَلِّي بِصَيْدٍ بِيْهَا .. أَبَاتْشِيَ .............. اختلاف 1 يَا حَبِيْبِي هَذِه الْبِدَايَة تَخْتَلِف هَذَا الْبَرِيق الْسَّاكِن الْجَفْنَيْن مَابَيْن الْبَدَايَة و الْبِدَايَة يَخْتَلِف هَذِه الوَجِيعَة حِيْن يُذْكَر اسْمُهَا او حِيْن يَعْلُو فِي الْدِّمَاء نِدَائِهَا هَذِه الْسُطُوْر تَآلَفَت و تَجَمَّلَت كَلِمَاتُهُا كَي تَسْتَحِيْل قَصِيْدَة ً.. هَذِه الْقَصِيدَة تَخْتَلِف و ادّى الّلِى صَار مِن يَوْمِي مَطْلُوق ... تَحْت فَوْق عَايِش حَيَاتِى بِالإخْتِيِار مِن غَيْر حِصَار لَا أَنَا نَاوْى احِب وَلَا غَاوِى احِب و لَا فَاضِى احِب وَلَا لاقَى سَمَرَه تَرُجُّنِى و تَخُضّنى و تَصْحَى فَيَا الْحَبْر يُكْتَب عَلَى الْوَرَق قَلْبِى اتُسَرّق و أَنَا بِاعْتَرْف هَذِه الْغُلَامَه تَخْتَلِف يَا تيبْيَارْو بِلْو أَنَّنِى أَحْبَبْتُك رَغْم زِحَام الغَيَدَاوَات وَبِرَغْم الْسَّفَر و رُغْم الْضَجَر و رُغْم الَوَجَع و رُغْم الْقَسَم بِأَن أَتَحَجَّر فَوْق سُعَال الْسَّهْو نَانَا تَتَشَبَّث فِى جِلْبَابَك فَلِبَابِك رِيْح يُزْعِجُهَا يُخْرِجُهَا مِن هَذَا الْحَيِّز يَسْخَر مِنْهَا انّى أَحْبَبْتُك رُغْما عَنْهَا وَكُل لِيّلَه كُنْت بِحَكَى لِلْقَمَر و بْشَهْدُه و امَّا تَشَتَّى كُنْت بِحَكَى لِلْمَطَر و بِعَهْدِه لِمَا يَنْزِل فَوْق شبَّاك إزَازك الْمَقْفُول .. يَقُوْل هَذِه الْقَصَائِد تَخْتَلِف هُزِّي سُكُوْنِى قَد مَلَلْت الآن أَن لا اعْتَرَف ( هَا – رِي – سَا ) انّى احْبَبَتُك فِى زَمَن مَا قَبْل زَمَان الأرْوَاح مَاقَبْل النَّهَر و قَبْل الْبَحْر و قَبْل السُّكّر و قَبْل الْفَجّر و قَبْل الْرَّاح انّى احْبَبَتُك فِي زَمَن لا يَعْرِف كَيْف تُسَافِر فِي الأَوْرِدَة جِرَاح و شَايْفِك عَتَتَرْعَشّي و شَفَايْفَك بِدْهُا تَقُوْلِي : ( اي - كَا - دُولّلَى ) بَحبَك قَد مَا انَا مِشْتَاقَه لْبِلادى و قَد الْوَادِى مِن النُوَبِه لَحْد الْبَحْر بَحبَك قَد يَوْم الْعِيْد و لَبِس الْعِيد و رَعْشَة جِسْمِى وَانَا وَاقِفَه بّشُوُف الْنَّحْر هَذَا الْحُزْن الْسَّاكِن جَوْفَى يَعْرِف خَوْفِى يَحْلُم يَوْمَا أَن يَتَقَيَّأ صَدْرَك هَذَا الْجَسَد الْمُتْعَب إِنِّى أَلْهَمَتْك أَشْعَارِى .. فَحَذَارِى بَحبِك حَب صَعِيْدَي جُوَّانِى بَحبِك كَيْف مَا سَكَن الْلَّيْل فِي صَوْت فَيْرُوُز و سَكَن الْصَّوْت فِي لَيْل قَلْبِي و قَوَانّى بَحبِك كَيْف نَسِيْم الزَّرْعَه لِمَا يَطِيْر فِى جَو الْرِّيف و جَو الْنَّيْل و جَوِّي آَنْي بَحبِك حَب حْيَانّى و زُوِّد شَوْقِى لِلْحُرُقَه وَلِلْقيّا و لِلفَرِقِه وَلِلدمُعَه الّلِى تَنَزَّل تحْرِق الْجَوَابَات و كَلَّمَه مَامَا مُش رَاضِيَه و عِنْدِي مُذَاكَرَه مُش فَاضْيِه و زُوِّد شَوْقِى لِلْمَوَاعَيَّد و لِلْعِرْبِيد و مُشْتَاقْلِك و وَاحْشَانّى و مِحْتَاجِلَك بَحبِك حَب كَان مَكْسُوْف يُبَيِّن نَفْسِه قُدَّامَى و كَان يَطْلَعْلِي فِي مُنَامِى فِي صُوْرَة جَوَّز عُيُوْن صَافِيْه و بِنْت جَمَالِهَا كُلِّه سُمّار و انَا شَايْلِك عَرُوْس الْدَار و ضَرَب الْنَّار فِي كَف عَمَامَي مامُبَطُلّش غَرِيْب الْحُلُم لِمَا يُوَاعِد الْنَّعْسَان و مَايَطَولِش |
|
|
|
|
09-15-2011, 08:06 PM
|
#10 | |
|
مشرف عام
|
إختلاف 3
بَاعَتْه وَجَرَت وَرَا زَيْف وَسابَتَلُّه نَار جُوَّه مَسَّكَتُه فِي إِيْدَه سَيْف إِخْتَار يَمُوْت هُو يَا حَبِيْبِي هَذِه الْغُلامّة إِن تَخْتَلِف فَهُو إِخْتِلافَك لَا إِخْتِلافِي أَنْت مِن أَحْبَبْتُهَا وَنَسِيْت أَن مَسَافَة بَيْن الْجُنُوْب وَبَيْنَهَا يَا صَاحِبَي أَنْت الإِلَه لَكِنَّهَا أَبَت أَن تِعَصَاك فِيْك فعْصَّتك فِي فَهُو إِخْتِلافَك لَا إِخْتِلافِي وَالْفَرْق مَا بَيْنِي وَبَيْنَك بِإِخْتِصَار إِنِّي وَاحِد حَب سِتِّيْن أَلْف وَاحِدَة وُإِنّت سِتِّيْن أَلْف وَاحِد حَبْوَا وَاحِدَة الإِخْتِلاف الْلِي مَا بَيَّنَّا مُش أَسَامِي مُش فِي نَانَا أَو فُلانَة الإِخْتِلاف الْلِي مَا بَيَّنَّا فِي الْدِّيَانَة فِي إِتِجَاه الْقِبْلَة مَن وَضَع الْسُّجُود إِنِّي فِي غَرَامِي فَرَس وُإِنّت فِي غَرَامِك قَعُوْد الإِخْتِلاف الْلِي مَا بَيْنِي وَبَيْنَك إِنِّي لِمَا بِحب بخْلِي الْبَت نَعْل أَلْبَسَه وَأَبْتَدِي بِيْهَا طَوَافِي وُإِنّت حُبَّك زَي بَغْل شَال حَبِيْبَتِه وَعَدِى بِيْهَا الْنَّهْر حَافِي يَبْقَى لِمَا نَخْتَلِف تَعْتَرِف إِن إِخْتِلافَك عُمُرِه مَا كَان إِخْتِلافِي .......................... ليالي الحصاد 1 يَا محَمَّلَيْنِ حِلْمُكُمْ طَالِقِينِهُ يَمْلَا الْخَلا لَا نفَعَكُوَ طُوِّلُ حِلْمُكُمْ وَلا الْخَلا بَيتَمَلا وَيَا قَطَرَ يَا الْلِّيْ بَعِيْدٍ بَيْنِيْ وَبَيْنَكَ سُوَرٍ مَا بَيَّنَّا مَدَّةَ إِيْدْ وَانَا بَدْرَاعٍ مَكْسُوْرٌ ابْكِيَ يَا شَاطِرَ حَسْن عَلَىَ حِلْمِكَ الْلِيْ انْدْفِن سَايِقْ عَلَيْكَ الْكَفَنِ تُنْسَىَ الْحَطَبِ وَالْنَّارِ مَا بَيَّنَّا مَدَّةَ إِيْدْ لَكِنَّهَا مِشْوَارِ .................................. ليالي الحصاد 2 وَعَصْف فُؤَادُهُ وَبَطَشَ وَهُمْ وَهَوَىْ وَأَفْكَارْ مِسْتَنِّي إِيْهِ مْ الْعَطَشِ؟ لَيْلَةُ حَصَادِ صَبَّارٍ مِسْكِيْنٍ يَا قَلْبُ الْوِلا عَاشِقُ غَرِيْبٌ لِسّاه دَايِرٍ عَلَىَ الْأَمْكِنَةِ يِشْحَتْ وَطَنْ لِلَّهِ مَبْقَاشْ بْيِسْمَعْ غٌنَا مِنْ كُتْرِ قَوْلَةً آَهٍ وَالْعِشْقُ نَارٍ وَالْعَاشْقِيْنْ مَسَاكِيْنَ وَبْنَنْدْبحَ وَبْنَعَبدّ الْسَّكَاكِيْنَ وَبنْتُسِّجنّ ويَذِلْنا السَّجَّانُ وَنَمَوْتُ لَوْ يَفْتَحُ الزَّنَازِينِ .................... |
|
|
|
 |
| مواقع النشر (المفضلة) |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
الساعة الآن 09:14 PM