رواية شفت الحبيبه

**الجزء السابع **




الدموع تروي الحب والبسمات تنعشه

الحب كالمعدة القوية يهضم أي طعام وأي كلام

الحياة كالحب لا حكمة فيها

الحب ليس هلوسة ولكن فيه الكثير منها

الحب الحقيقي هو الذي تحس به بعد فوات الأوان

الذين أحبوا بقوة ، لم يحبوا من أول نظرة

الحب يجعل الإنسان العادي شاعرا ، والشاعر مجنونا

الحب هو أن تبالغ في قيمة من تعرف ، والغيرة هي أن تبالغ في قيمة من لا تعرف
الإخلاص في الحب ليس إلا كسلا في النظر إلى إنسان آخر


الحب والحرب ندخلهما عندما نريد ، ولكن نهرب منهما عندما نستطيع

الذي يحب يصدق كل شيء أو لا يصدق أي شيء

الحب بئر عميق اشرب منها فقط واحترس من أن تقع بها

الذي يحبك بقسوة إنما يكرهك برفق

الحب ليس أعمى ولكنه مصاب ببعد النظر فهو لا يدرك الأخطاء إلا عندما يبتعد

الندم لمن عرفوا الحب والأسف للذين لم يعرفوه

القبلة اتفاقية صامتة بعدها نلقي السلاح

اللعبة الوحيدة التي يشترك فيها اثنان ويكسبان فيها اثنان أو يخسرا معا..الحب

الحب هو أجمل سوء تقدير بين اثنين

الحب كالحرب من السهل أن تشعلها..ومن الصعب أن تخمدها

ثلاثة لا يمكن أن نخفيها : الجمل وراكب الجمل والحب

بالحب لا نعقل وبالعقل لا نحب

بالقلب نحب .. وبالعقل نكره .. بالاثنين نصاب بالجنون

بذور الحب تنمو على مهل ، أما الثمار فبسرعة

حب تطارده:جميل ، حب يطاردك أجمل

حبنا لشخص لجماله ليس حبا ، ولكن عندما نحبه رغم عيوبه .. فهذا هو الحب بكل تأكيد

عندما نريد الحب لا يجيء ، عندما يجيء لا نريده

في طريقنا على القلب يجب أن نمر بباب له شفتان

في الليل وفي الحب يصاب الناس بعمى الألوان

في الحب ننسى كرامتنا ، وفي الغيرة ننسى الحب

في الحب خطابات نبعث بها وأخرى نمزقها وأجمل الخطابات هي التي لا نكتبها

قد يولد الحب بكلمة ولكنه لا يموت أبد بكلمة

ليس الحب هو الذي يعذبنا ، ولكن من نحب

لا أحبك لأنك مصدر راحتي وإنما أحب راحتي لأنك مصدرها

ندين للحب بحياتنا .. وبموتنا أيضا

من يحب ..يحب إلى الأبد
دق جرس المنبه على الساعه 6:33
سكرت غزل المنبه بكل كسل وردت تنام شوي دق تلفونها على نغمة
سواها قلبي ياحبيبي وحبك
ماطاعني وانا عن الحبه ناهيه
الظاهر انه مايبي غير قربك
عاف الجميع واول الناس راعيه
قامت غزل بسرعه وردت
سعود : صباح الخير
غزل : صباح النور
سعود : غريبه قايمه
غزل ببتسامه : افاعليك اعجبك وانت سهران ولالا
سعود : لامو سهران قمت اصلي الفجر ورديت اناام وقعدت اتقلب شفت الساعه
6:33 قلت خلني اقوم حبي وانا معودج مو
غزل بخجل: اها جعل ربي مايحرمني منك
سعود : امين ولامنك , غزل
غزل : لبيه
سعود : لبيتي بمكه انشالله , بصراحه ابي اقولج اني بكلم الاهل عشان نخطبج
غزل بسحى: بس تو الناس
سعود : مقدر استغني عنج دقيقه وحده احبج احبج تفهمين
غزل وجهه احمر: وانا مقدر استغني عنك تدري انك صرت هواي الي اتنفسه مقدر
يمر يوم مااسمع فيه صوتك
سعود : شفتي ياقلبي انج مثلي يعني لازم املك عليج عشان اشوفج واملى
عيني من جمالج
غزل : اها يعني تبي الفكه من صوتي
سعود يضحك: والله لوخيروني اني اسمع صوتج كل يوم واشوفج مره وحده لختار صوتج
غزل ميته ضحك : يعني تبي تكحلها اعميتها ههههههااي
سعود متفشل : اسف عمري بس مااعرف اعبر
غزل : لاحياتي مايهم دامني عارفه اني بقلبك وانت بقلبي هذا المهم
سعود: انتي عايشه بقلبي وروحي وفكري غزل تدرين اني لمااروح الدوام كل
كله افكر فيج شقاعده تسوين مع منو جالسه تصدقين احسد تلفونج
غزل تضحك: شدخل تلفوني ههههههاي
سعود: لانه وياج وين ماتروحين حتى صرت اغار منه
غزل تضحك: تدري سعود اني اخذه وياي عشانك ماابيك دق ولاارد عليك احس لماا امسكه وخليه وياي انك معي كل لحظه
سعود : اها اذا كذا خلاص عادي حبي
غزل بخجل: تسلملي والله
سعود: غزول اسمعي
غزل : عيون غزول
سعود : فديت عيونج , انا وعلي بنطلع اليوم لسينما وابيج تروحين ويانا
غزل مصدومه: شيدخلني وياكم
سعود: انتي قولي اوكي
غزل : محلاني رايحه لعلي وقايلتله بروح معك
سعود: انا الي بكلمه وهو بيوافق
غزل : اذا كذا خلاص ماعندي مانع
سعود: فديتج والله ياقلبي
غزل : يسلملي قلبك اوكي سعود انا تأخرت على المدرسه اكلمك بعدين
سعود: اوكي ياقلبي تامرين بشي
غزل : سلامتك
سعود: مع السلامه
غزل : مع السلامه
سكرت غزل من سعود وراحت تبدل وبسرعه نزلت عشان تلحق على المدرسه
اما سعود كان منسدح على سريره وحاط ايده على قلبه كان يحس بدقات قلبه الي تدق
بسرعه اه اه ياغزل حبينا بعض وماتوقعت اني احبج بعد الي صار مع فيصل كيف وصلتي قلبي ووصلت قلبج بعد ماكان بينا حواجز كيف قدرنا نكسرها
كيف كسرناها كيف كيف كيف؟؟؟؟
&&&&&&&&&&&&
&&&&&&&&&&&&&&&&&&&
&&&&&&&&
بالجامعه ****
كانو حنين وبشاير يمشون على مايوصلون للمحاظره
بشاير: حنين احسج متغيره علي
حنين بخوف: هاه شنو متغيره عليج
بشاير: شفتي انج متغيره على طول قلتي هاه من شنو خايفه تكلمي
حنين : شفيج صايره كبريت ماقلت شي ولاتغيرت شملاحظه انتي
بشاير: ملاحظه اشياء كثيره اولها انج ماصرتي دقين علي مثل اول
حنين : اسفه ياقلبي بس الظروف يابشاير ماسمحتلي
بشاير بعصبيه: من متى الظروف تمنعنا ياحنين دايم وحنا مع بعض بالحلو والشين
حنين : صادقه وانا اسفه انا الغلطانه
بشاير : حنين مادري حتى سوالف احسج ماتسولفين صرتي ساكته وتسرحين كثير
حنين بصدمه: خلاص يابشاير قلتلج اسفه لاتكبرين الموضوع
بشاير : احسج تبنين بيني وبينج سد كبير ماراح ينهد
حنين : ليش تقولين جذي يابشاير ليش تبين بيني وبينج مشكله
بشاير: انا ولاانتي شوفي شسويتي انتي بعدين كلميني
بشاير وهي تروح عن حنين بس حنين مسكتها من ايدها بقوه
حنين برجى : بشاير لاتسوينها يابشاير انا مقدر على بعدج
بشاير وعيونها تتروغ بالدمع : اسفه ياحنين بس انتي الي بديتي وتحملي
راحت بشاير عن حنين وتركتها تبكي بحسرتها صارت بين نارين قلبها وصديقتها تعبت
وكان اصعب موقف مر بحياتها انها تفارق شخص عاشرها 22 سنه لحظه بلحظه
بس قلبها ينبض بهواها الي تتنفسه اختارت قلبها وحبها لان الحياه هذي قوانينها
مسحت دموعها بكفها وراحت للمحاظره اما بشاير فكانت منهاره اول
مره بحياتها تفترق هي وحنين بهالطريقه طول عمرها وهي مع حنين قلبها حباتها كل شي كانت حنين تشاركها فيه حتى ذكرياتها كانت حنين موجوده فيها بس هي حست بتغير حنين وحنين رافضه تعلمها حست بشاير
بطعنه بقلبها ان حنين باعتها بس شلي يخليها تبيعها شلي صار اكبر من حب بشاير بقلب حنين اه ياحنين بعد عشرت عمر نفترق وحنا نقول دوم مع بعض
وحتى عيالنا بنخليهم مثلنا مع بعض ويصيرون مثلنا لين نكبر
ليش يادنيا ليش ؟؟
بس هذي قوانين الحياه محد يعرف شيصير ولازم نكمل ونعرف بنهايه بنفترق ولالا
&&&&&&&&&&&&&&&
&&&&&&&&&&&&&&&&&&&&&&&
&&&&&&&
بيت ابوعبدالرحمن ****
الجوهره : تدري بنات خالتي بيجون
تركي : منو الي بيجي
الجوهره : خالتي ومعها حصه ودلول
تركي : والعيال موجاين
الجوهره : لابس بنات خالتي
تركي : وليش جاين
الجوهره: تعرف حصه بتعرس وجاين يتقضون
تركي: صدق كم عمرها
الجوهره: حصه 20 سنه ودلال قد غزل يعني 18 سنه
تركي : اها طيب ماعندهم دراسه
الجوهره : الا بس ماراح يطولون كلها اسبوعين ورادين
تركي : طيب ليش ماجت خالتي بروحه وتقضت
الجوهره: شدخل خالتي منو الي بيعرس خالتي والا حصه
بعدين هم جاين عشان يغيرون جو تعرف دايم وهم بالرياض وماشافوا الكويت ويبون يشوفونها ويتمشون
تركي : اها الله يحييهم بس صدق اصغر وحده من بنات خالتي هي دلول
الجوهره : خالتك ولاتعرف عيالها
تركي : شسوي من كثر مااجلس مع كومار واسولف معه عرفت اهله كلهم
الجوهره تضحك: يعني محد بالبيت يسولف وياك هههههههاي
تركي : ايه
الجوهره ميته ضحك: تصدق ان دلول نفسك
تركي : ليش مثلي
الجوهره :: انا وحصه مع بعض وهي مطنشينها واكثر وقتها مع الخدامه ههههههههههههاي مثلك ههههههههههاي
تركي يضحك: يعني لازم بهالعائله مضطهدين هههههههههههااي
الجوهره : والله مثلك المسكينه صارت خبل من كثر ماتجلس مع الخدامه
تركي : شقصدج اني خبل هااه
الجوهره تضحك: ايه هههههههههههاي
تركي وهو يقوم : اجل لاتجلسين مع خبلان عشان ماتصيرين مثلهم
الجوهره وهي تمسك يده: امزززززززززح اصلأً احسك انت ودلول ثنائي رائئئئئع
تركي وهو يفك ايده من يدها : ايه ثنائي مهبل
الجوهره ميته ضحك:انت الي تكلمت مو انا
دخلت غزل عليهم : شفيكم تضحكون ضحكوني معكم
الجوهره: خلاص دامج جيتي راح الضحك
تركي : لابس اختج تقول عني انا ودلول انا مهبل
غزل تضحك::ايه والله انج صادقه جبتيها ههههههههااي
تركي بعصبيه: انا الحين ابيج عون صرتي فرعون ويلحق غزل يبي يطقها
غزل تضحك وهي تركض: اقول روح زين عائلة خبلان
ههههههههههاي
تركي : فديتها والله وفديت خبالها
غزل ميته ضحك : والله من جد اخوي انهبل
تركي : والله عاد لجل دلول اسير اكبر مهبول
غزل : يوه مسرع عشقة البنت
تركي وهو يبتسم : اه من زمان عاشقها
غزل :ههههههههههاي والله وصرت تحب
تركي:ههههاي انقلعي بس
راحت غزل وهي تضحك على خبالت اخوها دخلت غرفتها ولبست بجامتها وقعدت قدام تسريحتها وشافت وجهه وجسمها تغيرت صارت مليانه وبشرتها صفت وراحت الهلات السوادء الي كانت تحت عيونها
اه شكثر تغيرت من يوم عرفتك ياسعود يعني الحاله النفسيه تلعب دور وتخلي الواحد شحلاته الله يخليك لي ياسعود ولايحرمني منك يارب حطت راسها على المخده ونامت على طول
&&&&&&&&&&&&&&
&&&&&&&&&&&&&&&&&&&&
&&&&&&&&&
بيت ابو فيصل****
ردت حنين البيت وكانت نفسيتها تعبانه وسلمت على امها وابوها وراحت بس سمعت
ام فيصل : حنين ماتبين تتغدين
حنين بتعب : لايمه مابي شي
راحت حنين لغرفتها وانسدحت على السرير وقعدت تبكي كان قلبها
يتقطع دق تلفونها مسحت دموعها وعلى طول ردت : الو
ياسر: هلا قلبي اخبارج
حنين : تمام وانت
ياسر : دامني اسمع هالصوت انا بخير
حنين : ياعساه دوم
ياسرك شفيج حنين تعبانه
حنين : لامافيني شي بس توني راده من الجامعه واحس بتعب
ياسر : اهاسلامتج زين حياتي اكلمج بعدين اخليج ترتاحين الحين
حنين : لاعادي يالغالي قول انا مافيني شي
ياسر : لاخلاص خليها بعدين
حنين : ياسر يله عاد قوووول
ياسر : زين حياتي اعصابج
حنين تضحك:ههههههههههاي يله قول
ياسر: انا ابيج لي حلال ولااقدر استحمل اكثر من كذا
حنين:ياسر قلتلك انا لك وانت لي ولما اخلص جامعه نملك
ياسر :حياتي وربي اني مااقدر استغني عنج حنين افهميني انا ابيج لي لحالي ملكي ابي اكلمج براحه ابي اتغزل فيج ابي اشوفج وكل هذا مايسير الا لما اخطبج واملك والزواج بعد ماتخلصين جامعه عاد ماعندج أي شي تقولينه لاني حابكها حبك
يحنين: ههههههههههاي حلوه حابكها حبك ,زين ياسر وانا بعد ودي بس خايفه من اهلك واهلي
ياسر : لاانشالله اهلي اكيد ماعندهم مانع واهلج عارفيني زين والي انتي تفكرين فيه هذا الحين صار من الجاهليه ياما ناس زيي وزيج مختلفين وتزوجو عشان كذا مااظن اهلج بيرفضون عشان هالسبب
حنين :مادري شقول انشالله مايرفضون ولو رفضو رح اموووووت
ياسر :اسم الله عليج لاانشالله مايرفضون
حنين : اوكي خلاص يالغلا اذا قعدت ادق عليك
ياسر :ليش لايكون بتسكرين
حنين : شسوي ابي ارقد
ياسر بحب: ماشبعت منج
حنين :بكره اذا تزوجنا بتقول ذلفي عن وجهي ههههههههاي
ياسر : ياعساني الموت اذا نطقت هالكلمه ولاجرحتج بكلمه
حنين : اه ياسر ليتك ماتتغير علي وتبقى مثل منت
ياسر : حنين صدقيني لويصير شيصير مستحيييييييل وربي مستحييييل اتغير عليج انتي تدرين شنو بالنسبه لي
حنين تضحك: ههههههاي خلاص ادري
ياسر : فديت قلبج وروحج وعمرج
حنين : الله لايبعدك عني
ياسر : امين ولايبعدج عني ياقلبي
حنين : انت حدك رومنسي
ياسر : والله الي يشوفج ويشوف عيونج ويسمع صوتج يطلع شاعر لو هو مايعرف لشعر
حنين تضحك بخجل:ههههههاي شدعوا
ياسر : تدرين متى تحسين بغلاتج وحبج عندي
حنين : متى؟؟
ياسر :لاجيتيني وربي رح تحسين اني اهواج واغار عليج من نسمة الهوا
حنين : ههههههاي نشوف
ياسر : حنون
حنين : لبيه
ياسر : لبيتي في مكه , حنون ليش لما اكلمج انسى الدنيا وانسى همومي وانسى حزني وكل شي يكدرني وماافكر الافيج واستانس
حنين بسحى : وانا زيك ياياسر وكنت رح اقولك
ياسر : ههههههههاي فديتج حتى احساسنا واحد
حنين:اها زين والحل
ياسر :الحل اني اجيج اليوم قبل بكره وعلى حصان ابيض واشيلج وياي ,,هههههههههاي
حنين :هههههههههههاي والله انك خفيف
ياسر :والله عاد لاتلوميني فيج
حنين:فديتك وفديت خفتك
ياسر : تصدقين عاد
حنين :شنو
ياسر : اني مااحب اروح الاسواق ارحم البنات
حنين بقهر:ليش انشالله
ياسر :مساكين لاشوفوني شوي ويرقموني
حنين :تكفى يابراد بيت
ياسر:هههههههاي اسم الله علي انا احلى منه لاتنكرين هالشي ياحبي
حنين : ايه انت حلو بس اممممم
ياسر :شفيج ضاعت علومج
حنين:ياسخفك كنت مستانسه وكدرت علي وناستي يعني شجاب طاري البنات والاسواق
ياسر وهو مستانس :فديتج وربي فديتج ياحلاتج وانتي تغارين
الي جاب السالفه ياطويلة العمر ان لو تجيني ملكة جمال الكون كرشتها مع الباب تدرين ليش
حنين:ليش ؟
ياسر: دام اقمر معي مالي ومال النجوم وربي ولا وحده تهزني مثلج ومثل جمالج وكل شي فيج
حنين :ههههههههاي ايه اشوا
ياسر :هههههاي زين وانا
حنين :انت شنو
ياسر : شنو بالنسبه لج ؟؟
حنين : يعني كم مره اعيد
ياسر :تحرميني من الكلام الحلو بعد
حنين : لا انشالله لاتزوجنا بتشبع من الكلام الحلو
ياسر : حنين انتي اكيد متاكده من قرارج
حنين انا وربي اني مابي غيرج ولا ابي اعشق واهوى غيرج
ابيج تقولين لي رايج بكل صراحه الحين
حنين :ياسر انت تتكلم من جدك ؟
ياسر : تكفين ياقلبي ابي اسمعها منج
حنين : موافقه ياياسر
ياسر وهو مرتاااح : الله لايحرمني منج يارب
حنين : امين ولامنك
ياسر: مااطول عليج تامرين بشي
حنين : سلامتك
ياسر : باي ياقلبي
حنين : باي
سكرت حنين من ياسر وراحت عالمها اخيراً خلاص انا وياسر بنكون مع بعض ونعيش حياتنا بيت واحد ومحد يقدر يفرقنا اه ياياسر احبك
ومقدر اعيش بدونك نزلت دمعه من عين حنين بس هالمره دمعت فرح شي تمنيته راح يصير حقيقه امنية وراح تتحقق
ضمت نفسها وقعدت تفكر شراح يصير بحياتها مع ياسر
**************
"احبك"
ولا اعلم كيف أبرزه فهو شعور ممتزج
بين بهجة وجودك
وخوف من فراقك
و اشتياقات غيابك
ولهفة انتظارك
وحنين لحنانك
إحساس تائه مترنح بين الاحتياج إلى لقيآك
والتخوف من ابتعاد كإحساس عميق
أركانه ثابتة وقواعده راسخة
ممتلئة بك وبك وحدك فقط

"احبك"
شعور هائل يجعلك قريب حتى في بعدك
حنون حتى في قسوتك
معطاء حتى في وقت احتياجك
متفاهم حتى في قمة غضبك
هذا الشعور كأجمل المشاعر
تلك التي نبدأها بخوف وننهيها بانهيار
ونعيش بينها أجمل ما كان في حياتنا
" لــــــذا "
فقد صممت أن احبك وأبداك ولا انتهي منك أبدا
لأني... لا أحب النهايات الحزينة ولا أحب الانهيارات
سأظل دائما "احبك" و "احبك" و "احبك"
اسمح لي أن حبك بطريقتي وأسلوبي المنفرد
فاقبل تفردي في ذلك الأسلوب في الحب
لأني ... بطريقة ما ساحبك ليس ككلاهما فقط
كما يحب الندى الزهور
وكما تحب الأمطار الأرض العقور
وكما يحب الصبح تغريد الطيور
وكماتحب الاشجار الحرارة والنور

ألست حبا و انتماء
ألست ملاذا و وطنا
ألست حنانا و نقاء
ألست غيابا و عودة
ألست قلبا ودماء
ألست أمنية و أمل
ألست دفأ وضياء

"هــكــذا"
وبطريقتي وبأسلوبي الفريد في الحب
((ساحبك دائما)).
****************

نزل ياسر وراح يكلم ابوه شافه جالس طبعاً ابو ياسر (رجل معاق)
ياسر : السلام يبه
ابو ياسر: هلا والله بوليدي
ياسر : شلونك
ابو ياسر : دامني اشوفك انت واختك بخير انا بخير
ياسر : عساه دوم يالغالي الله يخليك لنا
وانشالله تشوف عيال عيالي ,,هههههههههاي
ابو ياسر : انشالله بس خلنا نشوف المره بالاول
ياسر : المره جاهزه وتحتريني
ابو ياسر : ماشالله غير كذا تحتريك ,,ههههههاي
ياسر : ايه يبه وانت تعرفها وتعرف اهلها
ابو ياسر : ومنهي هذي
ياسر : حنين بنت محمد جارنا قبل تذكره
ابو ياسر بصدمه: حنين بنت محمد ماغيرها
ياسر : ايه شفيك يبه ؟؟
ابو ياسر : بس ياولدي انت تعرف الفرق بينا وبينهم واحتمال يرفضون
ياسر : يبه هذاك اول ايام الجاهليه الحين ماايعيب الرجال الا جيبه
ابو ياسر : بس ياولدي انت عارف منهو عمها وعارف انه له مكانه بالديره
ياسر : يبه عارف وانا بتزوجها ولا بتزوج عمها وبعدين دامها هي موافقه يكفي
ابو ياسر : شقول مااقول الا الله يكتب الي فيه الخير وانا مابيدي شي
ياسر : امبلا يبه انت الكل في الكل اهم شي موافق
ابو ياسر : والله ياولدي اهم شي انت والا انا موافق بنت محمد مافيه مثلها بس على الله يوافقون عاد
ياسر : محلوله انشالله ماعليك وهم حنا منب ناقصين شي
ابو ياسر : الله يوفقك ياولدي
ياسر وهو يبوس راس ابوه : ويخليك لي ,,اجل شرايك اخطبها بكره
ابو ياسر : ههههههههههاي حلوه ليش وهي بتطير
ياسر ببتسامه : لا بس متلهف عليها
ابو ياسر : اقول ياولدي اثقل ترى الثقل زين
ياسر وهو يقوم من عند ابوه : المشكله هذا عيب كل يوم اقول بثقل واذا شفتها طلعت ريشه
هههههههههههههاي
ابو ياسر : ههههههههههههاي
ياسر: يله يبه تامر بشي
ابوي ياسر : سلامتك ,,
امه وبشاير جالسين بالصاله ويتقهون راح وباس امه وجلس جنبها
ياسر : يمه
ام ياسر : هلا
ياسر : ابشرج
ام ياسر : بشنو يايمه ؟؟
ياسر : قررت اني اتزوج
ام ياسر بفرح: واخيراً قررت اجل خلاص بشوف من اخطبلك
ياسر : يمه البنت الي ابيها حنين بنت محمد
بشاير مصدومه: شنو؟؟؟ شقلت
ام ياسر : حنين رفيقتج شفيج
بشاير : شقاعد تقول ياياسر كم مره اقولك انساها البنت مولك
ياسر بعصبيه: انتي منو عشان تحكمين هاااه
بشاير : انت اكثر واحد المفروض تعرف ماله داعي اقولك
ياسر: مايهمني شي دام مافيني شي ينعاب
بشاير: هذا شي لاانا ولاانت نقدر نغيره
ياسر : لانقدر دامنا نحب وفاهمين بعض نقدر نغيره
بشاير كأن احد صب عليها ماي بارد : كيف؟؟
ياسر: انا وحنين نحب بعض والبنت موافقه وان شالله بكره بخطبها
بشاير : ياسر راح يرفضونك لاتذل عمرك وتذلنا وياك
ياسر بعصبيه: وانتي منو عشان تقولين هالكلام
بشاير: لان الفرق واضح بينا وبينهم صدقني بتلقى احسن منها
ياسر وهو يرفع صوته : شالفرق تكلمي شلي يمنعنا هاااه
بشايربصوت مخنوق: مذهبنا غير عن مذهبها فهمت ولالا المذاهب ياياسر افهم عاد تكفى افهم 00
ياسر بعصبيه: مذهب ومذهب قوليلي شالفرق شالفرق اذا هي سنيه وانا شيعي ومرجعنا واحد شالفرق يابشاير
بشاير بحزن: الفرق كبير ياياسر 00 انساها وانا اخطبلك احلى وحده في الكويت
ياسر: بشاير الحب مايعرف هالأشياء وانا قلبي مايقدر يعيش الا معها وهو مايبي غيريها
بشاير وعيونها تتراوغ بالدمع: ادعس على قلبك مره وتركها لاتذل عمرك وتضيع حياتك على وحده مو مكتوبه لك
وتناظر امها الي كانت ساكته ولاتدري شتسوي : يمه تكلمي قولي شي
ام ياسر : شقول يابنتي مابيدي شي
ياسر: بشاير انتي شفيج للحين عايشه ايام جدي وجدج خلاص هذاك اول الي تفكيرهم كذا الحين كل شي غير يابشاير وكثير زيي وزيها تزوجو
بشاير : بس حنين غير غير انت عارف منو عمها ؟؟
ياسر : وانا ماني متزوج عمها
بشاير : وعيال عمها وين راحو ؟؟
ياسر : وانا شكو فيهم حنين تبيني انا وانا ابيها ومن بكره خاطبها
بشاير : ياسر لاتستعجل على شي رح تندم عليه طول حياتك
ياسر بعصبيه : بـــــــشـــــــاير قلتلج خلاص الموضوع انتهى
وطلع ياسر من البيت وهو معصب والدنيا ظلمه بعينه 00
راحت بشاير لغرفتها تبكي بكل قهر وحزن على اخوها ليش يصير فينا كذا ومن منو من حنين الي فتحت لها قلبي وبيتي وعشت معاها اجمل عمري تفرق بيني وبين اخوي ليش ياحنين تسوين كذا وانتي عارفه ان الي تسوينه غلط !!
قعدت بشاير تبكي وتبكي وكل دمعه تطلع منها تعبر عن الم وجرح في قلبها من انسانه كانت تتوقع انها اخر وحده تسوي فيها كذا ؟؟
&&&&&&&&&&&&&&&
&&&&&&&&&&&&&&&&&&&&&&&&&&




&&&&&&&&&&&&&
دق سعود على علي :الو
علي : هلاوالله
سعود : هلافيك شخبارك
علي : تمام وانت
سعود : الحمدالله بخير على الوعد
علي : ان شالله بمرك المغرب اوكي
سعود: لاخلها بعد العشاء احسن
علي :ماراح يدخلونا وبيخلونا بالحديقه وحنا نبي المجمع
سعود: شوفلك أي بزر بالشارع هههههههههاي
علي : ياثقل دمك ياشيخ يعني من وين اجيبلي بزر ولاتدري باخذ غزل
سعود : انحلت بس اخاف انها تستحي
علي : ياخي هي لاشافت الفلم تنساك وتنسى ابو ابوك
سعود بقلبه فديتها والله : اوكي انتظرك
علي :ان شالله تامر بشي
سعود سلامتك
علي : باي
سعود: باي
سكر علي من سعود وراح لغرفة غزل دق الغرفه : غزل
غزل : 0000000
دق الباب بقوه : غزل
غزل بتكاسل: هااه شتبي
علي : افتحي الباب ابي اكلمج
قامت غزل وفتحت الباب : هلا شبغيت
علي : اسمعي ابيج تروحين معي انا وسعود لانا عازمينج
غزل بستعباط : وش هالحب الي نزل عليكم فجئه , علينا يامناحي
ولاعشانهم مايدخلونكم المجمع الا بعوائل
علي : ياحبيتي اذا بغيت ادخل دخلت بس مالي خلق مشاكل
غزل : مالي خلق اروح
علي: يله عاد روحي معي واي شي تبينه انا حاظر
غزل بدلع: مابي مابي يله اطلع خلني انام
علي بعصبيه: اجل ذلفي اصلاً انا ماابيج
غزل تضحك: تعال والله اني امزح معك اجل واحد عارض علي مثل كذا وتيني ارفض
علي : يعني شنو
غزل : بروح بس متى
علي : بعد العشاء ابيج تكونين جاهزه فاهمه
غزل : ان شالله
طلع علي من الغرفه وجلست غزل طار النوم منها راحت وفتحت درجها وطلعت لها اكشخ لبس عندها ورتبت اغراضها 00
كل هذ عشانها بتشوف حبيب قلبها لازم تكون حلوه وجلست على طرف السرير وحطت راسها على مخدتها وغمضت عيونها تذكرت
كل شي صار لها تذكرت الفارس الي ساعدها تذكرت كيف سعود
دخل عالمها تذكرت اخر مره شافت سعود فيها لقت سعود في كل لحظه حلوه وشينه كان موجود اه اه ياسعود طيبتك وحنانك خلاني
اعشقك وخلاني احبك لو غيرك كان الحين يحتقرني على الي سويته
بس انت غير غير لان قلبك غير ياسعود خليتني اعشقك ومقدر على بعادك متى يمر الوقت واشوفك معااي كل نبض بقلبي يقول احبك احبك احبك احبك
مـمـكـن أسـأل..لـيـه أحـبــك؟؟
ليه قلبـي راحتـه فـي حضـن قلبك مـمـكـن أسـأل..لـيـه أحـبــك؟؟
ليه قلبـي راحتـه فـي حضـن قلبـك
ممكن أعرف..ليه أيامي بلا وجودك تموت
وليـه أحلامـي بـلا نـورك تـمـوت
وليـه مـن دونـك يغطينـي الـحـزن
ويسـجـن شـعــوري الـسـكـوت

لـيـه أضيع إن كـنـت غـايــب
ولـيـه أشـوفـك كـــل أهـلــي
وكـــل نــاســي والـحـبـايـب

ليـه أشـوف الدنيـا ورديـه مـعـاك
لـيــه أحـــب إنـــي أكـــون
نـجـمـهٍ تــضــوي ســمــاك
وليه أشوف الوقت ورده ذابلة لو غبت يوم
ولــيــه أحــســك جـنـتــي
والـهـنــاء بـقـربــك يــــدوم

لـيـه أحـسـك شـخـص نـــادر
شـخـص أغـلـى مــن الجـواهـر
ليه أشوف النـاس مـن بعـدك سـراب
وليه أشوف الحب مـن دونـك سـراب
لـيــه يحـيـيـنـي حــضــورك
ويـقـتـل أيــامــي الـغـيــاب

ممكن أعـرف ليـه أحسـك كـل كلـي
شمـسـي أنــت.. وأنــت ظـلـي
مـالـي مـــن دونـــك مـكــان
وبــس فــي عـيـونـك مـحـلـي
مــمــكـــن أســـــــأل..
وممكن أعرف .. ليه كل هذا يـا خلـي
&&&&&&&&&&&&&&&&
&&&&&&&&&&&&&&&&&&&&&&&&&&






بيت ابو فيصل***
نزل سعود ولقى العائله مجتمعه ماعدا حنين
سعود : السلام عليكم
الكل : وعليكم السلام
سعود وهو يجلس بجنب نواف : هاه شخبار الدراسه وياك
نواف: والله كل شي تمام بس الرياضيات صعب
سعود: لاتخاف أي شي صعب تعال عندي
نواف :: تسلم والله بخوي الحبيب
سعود: هاه يمه شرايج فيني
ام فيصل : والله ياسعود مافي احد مثلك ومثل طيبتك
راح سعود وباس امه وقالها : الله لايحرمني منج يالغاليه
ام فيصل : ولامنك ويرزقك المره الصالحه الي تستاهلك وتستاهل قلبك
سعود وهو يبتسم : في هذي جاهزه المره زين انج فتحتي الموضوع
ابو فيصل : من هي سعيدة الحظ
سعود : غزل بنت عمي
ام فيصل : هذي الساعه المباركه ياولدي وغزل مافي مثلها في البنات
سعود: يعني اعتبركم موان
ابو فيصل : موان بس مو الحين لين تخلصون دراسه
سعود: يبه بس ابيك تكلم عمي
ابو فيصل : ياولدي البنت ماراح طير
ام فيصل : انت كلم ابو عبدالرحمن والملكه ان شالله بعد مايتخرجون
والبنت زينه والكل يتمنى نسبها
ابو فيصل : يصير خير انشالله
سعود والفرحه مو سايعته: يابعد حيي والله يالغالين وراح يحب راس امه وابوه
امال : بل وانتو على طول باركتوا على بالكم بيوافقون ههههههههههااي
فيصل بعصبيه: بل بعيونج شهالكلام بدال ماتباركين تحسدين
امال بصدمه: زين شفيك (امال مو متعوده ان فيصل يعصب عليها)
فيصل : اعرفي الكلام الي تقولينه
امال وهي تقوم وتطلع من الصاله : وانا ماقلت الا الصدق ولا نسيت شسوو فيك
طلعت امال من الصاله بدون ماتسمع رد أي احد فيهم واولهم فيصل
فيصل وهو منصدم ومو متوقع امال تعايره بهالشي
ام فيصل تتدارك الموقف: ماعليك منها ياولدي بس يمكنها عصبت عشانك فشلتها قدامنا
فيصل حس بغصه وطلع برا البيت
سعود : يحووووووول يعني لازم تخربون فرحتي علي
نواف : الف الف مبروك يااحلى اخو بالعالم هاه استانست
هههههاي
سعود يضحك: الله يبارك فيك يااشطر دودة كتب بالعالم ههههههههههاي
نواف : ايه والله ذكرتني بروح ادرس
سعود: ياخي ارحم عيونك
نواف وهو طالع وميت ضحك: شكيتلك الحال ههههههههاي
ام فيصل : الله يخليكم لبعض ياعيالي
سعود: ويخليج لنا يالغاليه
دق جوال سعود يله عن اذنكم وطلع سعود اول ماطلع
طاحت عينه على الي جالسه ورى علي كانت بقمة الجمال
ضاعت علومه التفتت غزل ماقدرت تستحمل تبي تشوفه شافته
كان لابس ثوب ابيض وغتره ومسوي ***وكه كان روعه لما شافته
كان سعود يبادله نفس النظرات نظرات اعجاب ابتسم سعود خلت غزل دوخ وهي بمكانها ابتسمت وحركوا كان سعود عند المسجل يطلع شريط ويدخل شريط اخر شي دخل شريط وشغله كانت اغنية راشد الماجد تنحط على الجرح
**********




القلب سلم لك أمـره = في حالتـي إنت أدرى
ياللي حنانـك وطيبك = تنحـط ع الجرح يبرى
شفـاف يانـورعينـي = حـبـوب قلبك يبينـي
زهرة شبابـي وسنيني = تفـداك ألفـيـن مـره
الله لـمـا تّـكـلـم = كـنـك تغـنـي ترنـم
الورد منـك تعـلـم = والشـاعر يضيع شِعـره
حنـون ربي يصونـك = فـي طيبتـك في عيونك
دنيـاك حبـي وكونك = ياطيب عمـري وعطـره
فديت صوتـك فديتـك = شفتك عشقتـك هويتـك
ياليت تـدري ياليتـك = غـلاك ياكـبـر قـدره
**************
سمعت غزل الاغنيه وذابت مع الكلمات حست انها من قلب سعود وروحه كان سعود يسمع ويدندن بالاغنيه
غزل راح تفكيرها بسعود وحست انها صارت اسيره لسعود وبس وقلبها مبسوط انه اسير عند سعود
&&&&&&&&&&&&&&&&&&&&
&&&&&&&&&&&&&&&&&&&&&&&&&&&&
ام فيصل بعد ماطلع سعود: الله يخليه لي ويوفقه قلبه حنون مافيه مثله
ابو فيصل: ايه والله وهو بعد غير عن فيصل الله يهداه
ام فيصل : فيصل بعد مافيه زيه بس الدنيا تغير
ابوفيصل : عساها ماتغير سعود علينا
ام فيصل: لا سعود مافي زيه من الشباب ولا مثل قلبه وحنانه
الله يثبته ويصلحه
&&&&&&&&&&&&&&&&&&&
&&&&&&&&&&&&&&&&&&&&&&&&






وصلو للمجمع ونزل سعود وعلي اما غزل كانت سرحانه وجالسه بالسياره
دق علي الدريشه: هي انتي ماتبين تنزلين
غزل : هاه لابس اعدل عمري شوي
نزلت غزل وكانت بنص بين سعود وعلي حست انها حدها متفشله قعد علي وسعود ضحك وهي معهم تضحك
حست بنظرات تحرقها التفتت وطاحت عينها بعين سعود جلس سعود وغزل فتره وهم يناظرون بعض كل واحد مايبي يبعد عن الثاني لحظه وحده قطع عليهم حبل افكارهم علي الي كان يضحك سعود وغزل التفتوا على علي ومع بعض : شفيك تضحك
سعود وغزل شافوا بعض وقعدوا يضحكون مع بعض
سعود اول مره بحياته يشوفها تضحك بس كان يسمع ضحكها بس لما شافها حس انها جميله بكل معنى الكلمه فمها الصغير وجهها المليان
وعيونها الكبار وخشمها المسلول كل شي فيها حلو اما غزل شافت سعود وهو يضحك كان مزيون وضحكته خبلتها زياده وكان تفكير غزل وسعود واحد
علي : خلصتوا ضحك
سعود وغزل : ايه
علي : ماودكم نروح لسينما
سعود وغزل : الا
علي : اجل يله مشينا ولا عاجبتكم الوقفه
بعدها راحوا سعود وغزل وعلي لسينما وشرو فشار وكولا وجلسوا وخلوا غزل بنص عشان ماتجلس بجنب أي رجال غريب
وكان الفيلم كوميدي وكذا لقطه تطلع كان علي وغزل يضحكون وغزل نست ان سعود موجود واندمجت مع الفلم اما سعود ماشاف الفلم لانه كان يطالع بقمر قليل بحقها قمر الا احلى ماخلق ربي هي
كان حب حياته وقلبه جنبه ماقدر يخليها لحظه وحده كان يتأمل برائتها وطيبتها وحركاتها العفويه وكان يضحك لما يشوفها تضحك حس انه يموت فيها حس ان قلبه يدق بسرعه لما يشوفها ويكلمها حس انه عشق غزل وصارت كل شي بحياته ولازم تصير زوجته
جلس سعود على هالحال يتأمل في غزل وضحكتها الي سحرته وعيونها الي ذاب فيها وغزل بكبرها الي غرق بحبها
بعد ماخلص الفلم قاموا وراحوا يتمشون وكانت غزل تسولف عن الفلم وتضحك وعلي كان يقول لقطات اعجبته والي كان ساكت هو سعود
علي : سعود
سعود: هلا
علي : شكل الفلم مااعجبك
سعود وهو يناظر غزل : والله ياعلي انه احلى فلم شفته بحياتي كلها
غزل عرفت قصده وصار وجهها احمر وابتسمت
سعود بخبث: وانتي ياغزل مااعجبك الفلم
غزل خلاص راحت فيها شتقول وهي عارفه قصده: الا عجبني مره وياليت اشوفه مره ثانيه بصراحه ماينمل لو اشوفه ميت مره واضحكت
سعود ضحك : خلاص بخليج تشوفينه لين تشبعين
غزل بسحى : مشكور
علي : يله انا جوعان خلونا نتعشى
راحوا وتعشوا طبعان غزل ماقدرت تاكل براحه لان سعود كان يشوفها وفضلت انها تاكل على الخفيف وبعد ماخلصوا من العشاء
علي : سعود
سعود: هلا
علي : والله نفسي بصمدي تبي ولالا
سعود ببتسامة خبث: الا والله ابي صمدي مشكل
علي : وانتي ياغزل تبين
غزل : أيه ابي صمدي مشكل بعد
علي ابروح اطلب تروحين معي
غزل : لاوالله مالي خلق جيبه انت والانسيت الوعد
علي يضحك : ابشري
جلسوا سعود وغزل بطاوله بروحهم كانت الفرحه لسعود انه يكلم غزل براحه
سعود : غزل
غزل : هلا
سعود : ممكن طلب
غزل : انت لوتطلب عيوني عطيتك اياها
سعود : تسلمين ياقلبي
غزل: يسلملي قلبك
سعود: ابيج تتنقبين
غزل بستغراب: ليش؟؟؟
سعود : هذا مو تحكم ولا شي بس اغار عليج لاني احبج ومن حبي لج مااقدر اسمح لاحد غيري انه يشوف ويهج انتي حلوه والله حلوه قليله بحقج انتي قمر حتى قمر ماتوفي انت لي وماابي احد يشوفج غيري مابي احد يشوف جمالج غيري ممكن ؟؟
غزل بسحى : ممكن وان شالله هذي اخر مره اطلع فيها وانا محجبه وانت تامر وانا انفذ
سعود: فديتج والله
غزل : تسلم
بعد ماحلو وكانت احلى لحظات سعود وغزل هاليوم الي فيه تعلقوا بعض زياده وغزل عرفت ان سعود يموت فيها وانها صارت كل حياته وسعود عرف غزل وحبها له الي ماينوصف
حبهم مااقدر اوصفه لكم حب نظيف برئ محترم هذا الي اقدر اقوله عن سعود وغزل كل واحد يحس بثاني ماادري كيف بس الي اعرفه ان الحب هو اساسه وانهم حبوا بعض من قلب مو فتره او يوم لا حبو بعض ولا يبون غير بعض تمر الدقيقه عندهم سنه قلوبهم تشتاق لبعض وتعودت انها تكون قريبه مع بعض اكثر مدري كيف بتكون حالهم لو افترقوا كيف بيقدرون يعيشون مفترقين كيف بتكون ردة فعلهم كيف بس الي اعرفه ان حبهم اقوى وهذا المهم
&&&&&&&&&&&&&&&&&&
&&&&&&&&&&&&&&&&&&&&&&&&&&
&&&&&&&&&&&&&&&





بيت ابو فيصل***
بغرفة حنين
حنين قامت بعد ماسمعت صوت جوالها يدق ردت بكسل: الو
بشاير: ولج عين تردين بعد الي سويتيه
حنين : شفيج بشاير
بشاير : انتي دمرتينا تفهمين
حنين بحزن: شدمرت شقاعده تخربطين
بشاير : سوي روحج برئيه يالخاينه
حنين بصوت مخنوق : بشاير تكلمي عدل لاتغلطين
بشاير بعصبيه: انتي وحده حقيره نذله دخلتج حياتي والحين تبين دمرينها
حنين بحزن: انا ادمرج ليش شسويت شهالكلام
بشاير بعصبيه: شسويتي تكلمين اخوي وخليتيه يعشقج ويصير مجنون بهواج وانتي عارفه انه مستحيل ياخذج ليش تبين تحطمينه ليش حرام عليج الي تسوينه
حنين وهي تبكي: بشاير والله اني احبه واموت فيه ولافكرت اني العب عليه ومافي شي راح يفرقنا يابشاير مافي شي يقدر يفرقنا
بشاير ودموعها تنزل بغزاره: الا ياحنين فيه وانا اقولج شنو الي يمنع زواجكم ان مذهبا غير عن مذهبج كيف تبين اهلج يوافقون على شخص مذهبه غير عن مذهبج كيف وانتي عارفه انه مستحيل ياخذج
حنين بعصبيه: مايهمني الي يهمني اني احبه وبس وماابي غيره
بشاير : انتي فكرتي بقلبج بس مافكرتي بعقلج فكري بعقلج راح تعرفين ان ياسر مو لج وانتي مو له
حنين بقهر: انتي شكو تحكمين علينا شكو فينا
بشاير: انا ماابيج تجرحين اخوي جرح كبير ماابيج تتسببين بألم وجرح مايبرى
طول عمره والسبه منو انتي ياحنين انتي السبب
حنين منهاره: بس خلاص لاتتكلمين انا احب ياسر ولايمكن اجرحه واخذ غيره لايمكن اسويها لايمكن اعيش حياتي وياسر مو وياي لان ياسر حبي الاول والاخير و لانه كل حياتي تفهمين
بشاير: اسمعي ابيج تبتعدين عن اخوي تفهمين ولالا
حنين بصوت مخنوق: ماراح اتركه لو شيصير انا احبه ومااقدر ااتخلى عنه بهالسهوله
بشاير: انا حذرتج اتركيه وريحي عمرج وريحيه خليه ينساج وانتي تنسينه وعيشوا حياتكم بس كل واحد بروحه لان مستحيل انكم تكونون بيت واحد مستحيل مستحيل
حنين سكرت التلفون بوجه بشاير وقعدت تبكي وتشاهق كانت كلمات بشاير قويه علي حنين حست بقلبها انجرح ومن من من اعز صديقاتها الي كانت تواسيها وتساعدها الحين تهاجمها وتبعدها كانت تفكر بكلام بشاير كيف اثر عليها وكيف خلاها تحس بذنب راح يكون برقبتها طول عمرها لو صار بياسر أي شي يعني المشكله هي ان حنين حبت ياسر وياسر حب حنين وهم يعرفون الظروف ورغم كل هذا حبوا بعض او ان الحب اعمى ومايعرف القوانين وان الحب ماله حدود ابداً يعني الي يحب يحب وينسى كل الحدود
&&&&&&&&&&&&&&&&&&&&&
&&&&&&&&&&&&&&&&&&&&&&&&&&&
&&&&&&&&&&&&&&&&





طلعت حنين من غرفتها وكانت عيونها متنفخه من كثر البكى لقت سعود توه راد وكان مستانس اول ماشاف حنين بهالشكل اختفت ابتسامته : شفيج
اول ماشافته ماقدرت تتحمل اكثر لازم تتكلم
حنين : ابي اكلمك بغرفتي تعال
راح سعود لغرفتها وجلس على الكنبه : تكلمي
حنين بخوف: سو الي تبي فيني بس صدقني ماسويت شي مايخليك تفتخر فيني كاخت
سعود والخوف دب بجسمه: شفيج تكلمي
قالت حنين لسعود كل شي وكانت تقول وهي منقهره ومنهاره ولا عرفت من وين تبدا بس قالت كل شي عن ياسر وحبهم
قالته لسعود لانها عارفه سعود زين وعارفه طيبته وحنانه وهذا الي خلاها تتشجع وتقول
حنين حست بكف حرق وجهها وشافت سعود وقالت انا استاهل اكثر بس صدقني ان ياسر قصده شريف وانت تعرفه وانهارت تبكي
سعود حن قلبه على طول عليها : انااعرف اخلاق ياسر ولايمكن يفكر يسوي شي غلط واعرفج ياحنين بس مو بذالطريقه البيوت لها ابواب ياحنين والمفروض مااطولون على ذا الحال
حنين وهي تبكي : صدقني من اول مااعرفته وهو يقولي رح اخطبج بس انا الي كنت ااخر والي صار صار الحين وهو قالي الكلام الي قلته لك ياسعود صدقني حبنا شريف وربي شريف
سعود وهو مو قادر يشوف حنين بهالوضع : صدقيني دامج تحبينه وهو يحبج مايهم هو شمذهبه وانا راح اكون وياج وماراح احد يجبرج على شي انتي ماتبينه
حنين : الله يخليك لي
سعود ببتسامه: امين وانتي بعد يالغاليه
راحت حنين وضمت سعود وقعدت تبكي تحس بحنانه وطيبته
دوم سعود طيب معها ومايقصر ويوقف معها بااصعب الظروف
سعود وهو يبعدها : خلاص ابي انام مو مثلج توج قاعده من النوم
حنين تضحك: خلاص تركناك تصبح على خير
سعود : وانتي من اهل الخير
التفت سعود عليها وناداها : حنون
حنين : لبيه
سعود : حطي في بالج اني مقدرج زين وفاهمج وفكري عنج يظل مثل ماهو لاني امر بنفس الحب الي تمرين وعارف شمعنى الحب
حنين والعبره تخنقها : سعود انت غير الناس عندي انت الوحيد الي تفهمني الله لا يبعدك عني يالغالي وتخذ الي تحبها وتستاهلها
سعود : فديتج ياحنون
راح سعود لغرفته وحنين راحت مع احزانها والامها بس كلام سعود خفف عنها اشياء كثيره عرفت ان سعود نادر وجوده وطيبته وحنانه عليها غير اه ياسعود شكثر احبك وشكثر انت عندي غير وتفهمني
&&&&&&&&&&&&&&&&&
&&&&&&&&&&&&&&&&&&&&&&&&&
&&&&&&&&&&&&&&&&





بيت ابو عبدالرحمن***
الجوهره معصبه : ياسلام وليش ماخذها كان خذيتني
غزل : ياشين الحسد شعليج بعدين هم يبون بنوته مو مره وحامل بعد
علي : ايه نبي وحده صغيره انتي مشكله اخافي يصير فيج شي ونبتلش انا وسعود
غزل تضحك: عادها تستصغر عمرها هههههههههههههاي
الجوهره : خلاص ماابي اروح معكم من زينكم عاد اروح انام احسن
عبدالرحمن : خلاص جوجو بوديج بس قولي شتبين
الجوهره مبسوطه: ابي اشوف الفلم الي تابعوه واتعشى واحلي واتمشى على البحر ووو 00الخ
عبدالرحمن: والله انج ماتنعطين وجه
علي وغزل ميتين ضحك: صادق بقوه ماتنعطى ههههههاي
تركي : خلاص كلكم قلبتو عليها انا بوديج بس موالحين لاجو بنات خالتي
غزل : ايه بدت الواسطه تشتغل
تركي ياشين الغيره مايليق المشكله
راحت غزل لغرفتها وكانت تفكر بكل شي تذكرت انها لازم تتنقب طلعت وراحت للجواهره وخذت عبايه ونقاب وجهزتهم عشان تروح للمدرسه لانها وعدت سعود تتنقب وماتقدر تخلف الوعد
وجلست تفكر باحداث الي صارت بالمجمع وماحست الاوهي بسابع نومه
&&&&&&&&&&&&&&&&&&&&
&&&&&&&&&&&&&&&&&&&&&&&&&&
&&&&&&&&&&&&&&&





دق ياسر على حنين وعرف ان بشاير كلمت حنين وترجته حنين مايسوي لها شي وان كلامها ماراح يأثر على قرارها وانه تحبه وهذا المهم سكر من حنين وراح يدور على بشاير كان بقمة جنونه بقمة عصبيته
ياسر بصوت مرتفع: بــــــشــــاير
نزل تحت ولقاها مع امه وابوه دخل ومسكها بشعرها وعطاها كف خلاها تتفاجأ
ياسر بعصبيه : ليش تسوين كذا ليش
بشاير وهوتبكي : عشانك ماابيك تنجرح يااخوي
ياسر بعصبيه: تدرين انج جرحتيني تدرين ولالا
بشاير بغصه : ادري بس كله عشاني احبك وخايفه عليك
ياسر بحزن: تخافين علي تروحين تحطمين حياتي
بشاير: ياسر ماتفهم ماراح تاخذها انت غير وهي غير تفهم ولالا
ياسر عصب وقعد يضربها لاشعورياً بس الي وقفه صوت امه التفت وشاف ابوه طايح ركض بسرعه وشاله وراحوا المستشفى
كان ياسر خايف ومتوتر اما بشاير كانت منهاره وتهدي بأمها الي تقطع قلبها من كثر البكى
طلع الدكتور من غرفة الطوارئ
الدكتور : انت ولده
ياسر : ايه ابوي شفيه
الدكتور: عطاك عمره
ياسر ودموعه تنزل بغزاره: شتقول يااااادكتووووووووووووور
الدكتور : الله يصبركم انشالله 00 عن اذنكم
بشاير تصيح : لالا لاتقول ابوي مات لالالا
ام ياسر وهي تنتفض من البكى : ان الله وان اليه لاراجعون
بشاير كانت تبكي ومنهاره شافها ياسر وهي تشاهق من البكى راح لها وضمها بكل قوته وقعدوا يبكون كانت اشكالهم تقطع القلب راحو لامهم وضموها وقعدو يبكون على فرقى اغلى من بهالوجود ابوهم قدوتهم وعزوتهم ابوهم الي من يوم ماطلعوا بهالدنيا وهو معهم والحين راح وماراح يشوفونه ابداً
اما ام ياسر فكان الميت حبيبها وزوجها وابوعيالها وكل حياته الي عاشت معه اكثر من 20 سنه عاشت معه بالحلو والمر عاشت كل
شي مع شخص حبته من كل قلبها حست بالم بقلبها لانه فقد نصفه وحست ان الحزن دخل قلبها بعد فراقه صعب الواحد يفارق الي يحبه ويعشقه ويهوااه وفوق هذا كيف بتعيش على فرقاه
دقت حنين على ياسر عشان تعلمه ان سعود واقف وياها
ياسر بصوت حزين : الو
حنين : ياسر شفيك
ياسر وهويبكي : حنين ابوي مات
حنين تبكي : شنو مات لاحول ولاقوة الابالله متى
ياسر يمسح دموعه : قبل ساعه اواكثر مادري
حنين : وينك الحين انت
ياسر بحزن: انا بالبيت
حنين تبكي : ياسر اصبر واحتسب الاجر عند ربك ولاتقصر مع بشاير وام ياسر وابوك ان شالله من الصالحين
ياسر بحزن: ان شالله
حنين تبكي : مااطول عليك مع السلامه
ياسر : مع السلامه
سكرت حنين من ياسر وحست بحزن طغى على قلبها وانه تشوف ياسر بهالحاله ماقدرت تصبر راحت تشوف سعود عشان يوديها لبشاير بس لقته نايم قررت انها تطلع مع تكسي وتشوفهم وتواسيهم
بسرعه لبست وطلعت
دقت باب الشارع بس محد يرد عليها خافت وهي بروحها باليل والساعه 2 بالليل حست الخوف دب بقلبها وحست انها استعجلت لما اطلعت من البيت بس شتسوي قلبها ماقدر يصبر وهي تسمع ياسر يبكي كانت منهاره وتبكي انفتح الباب دخلت شافت بشاير واقفه
جت حنين تبي تضمها بس بشاير دفتها بقوه خلتها طيح
بشاير بصوت عالي: انت شتسوين بهالحزه هااه
حنين وعيونها غرقانه بالدموع: جايه اعزيكم واواسيكم
بشاير تبكي: اعزا هالوقت ولا جايه تتشمتين ولا انتي من النوع الي يقتل القتيل ويمشي بجنازته
حنين بصوت مخنوق : شسويت عشان تقولين هالكلام
بشاير بعصبيه : تدرين ان ابوي مات والسبه انتي انتي ياحنين انتي السبب بموته
حنين : هذا قضاء وقدر يابشاير وهذا يوم ابوج الله يرحمه
بشاير : انتي السبب ولا دورين أي عذر
حنين شافت انسانه كانت تشوف الموقف وساكته
بشاير : اطلعي براا ولا اشوفج معتبه عندنا تفهمين
حنين : وين ياسر
بشاير : ولج عين بعد تسألين ياوقحه
حنين : وين ياسر
ام ياسر : مو موجود
مسكتها بشاير من ثوبها وطلعتها من البيت وسكرت الباب بوجه حنين
حنين بكت وحست انها ذلت عمرها بس هي سوت هالشي عشان حبيبها وكل حياتها رجعت حنين البيت وحمدت ربها ان كلهم نايمين
دخلت غرفتها وجلست تبكي على كل الي صار
&&&&&&&&&&&&&&&&&&&
&&&&&&&&&&&&&&&&&&&&&&&&&&&
&&&&&&&&&&&&&&&
شافت سعود لابس ثوب ابيض وكان وجهه منور دخل على اهله
وجلس يسلم على واحد واحد لين وصل لابوه وباسه بقوه
وجاعندها وحب راسها وراح مسكته امه بكل قوتها وين رايح
سعود مارد عليها ومشى حاولت تمسكه بس ماقدرت لان سعود راح وهو يبتسم ابتسامه حلوه بس قبل مايطلع قال كلمه رنت بذن امه
كلمه اصدمتها حست ان قلبها عورها قامت مختلعه وسمت
شافت الساعه ولقتها 3ونص وحست بعيونها مليانه دموع قامت وقعدت تصلي وتدعي ربها
&&&&&&&&&&&&&&&&&&&&&
&&&&&&&&&&&&&&&&&&&&&&&&&&&&&&&





قام سعود مختلع شاف الساعه ولقاها 8 ونص مابقى على المحاظره الا نص ساعه بسرعه بدل ملابسه وركب سيارته وراح
دق سعود على غزل وهو بالطريق
كانت منسدحه على السرير سمعت تلفونها وردت بسرعه :الو
سعود : صباح الخير
غزل : صباح النور
سعود : مارحتي للمدرسه
غزل تضحك : ايه والسبب انت لانك ماقومتني
سعود يضحك: ايه العبي علي يعني انا الي اقومج مو المنبه
غزل : ايه لان المنبه اطنشه بس انت مااطنشك
سعود : فديتج والله
غزل : تسلم ياقلبي
سعود : وانا بعد حدي متاخر بس قلت خلني اسمع صوتج عشان اروق مع الصبح
غزل بسحى : سعود
سعود: عيونه
غزل : احبك يابعد طوايفي كلها
سعود : غزول اموت فيج والله احبج
سكر سعود من غزل بعد كلام الحب الي قاله وحس انه غير كل الناس 00
من الفرحه حذف الجهاز وطاح تحت المرتبه ( كرسي السياره )
وفي هاللحظه دق علي عليه عشان يشوفه اذا طلع ولا توه
*******
غزل كانت متضايقه ولاتدري شالسبه بالعاده لما يكلمها سعود تكون الدنيا ماتوسعها من الفرحه بس هالمكالمه غير
استعاذت من الشيطان وقامت تغسل وتصلي
&&&&&&&&&&&&&&&&&&&&
اول ماقام علي دق على سعود بس مارد قال اكيد انه ناااااايم وبسرعه بدل لان المحاظره بطوفه وهو نازل شاف غزل وهي تبكي
علي : شفيج غزول
غزل : مادري بس مضايقه
علي : سلامتج من الضيقه
ليش ماداومتي ؟؟
غزل مالي خلق اليوم
علي : زين انا تاخرت على الدوام مع السلامه
غزل : مع السلامه
*********
الشارع زحمه
عصب علي واستغرب على هالصبح وزحمه بس الي شافه خل جسمه يقشعر من الخوف شاف حادث يخوف مره كانت السياره داخله بالشاحنه كانت السياره حدها ماتبين وداخله بالشاحنه كان منظر يخوف
ماصدق علي يطلع من الطريق ويوصل للكليه وكان يقول بنفسه الله يعين اهله
لاحول ولاقوة الا بالله
*********
اتمنى انه اعجبكم وانتظر ردودكم وتوقعاتكم وشنو رح يصير بالجزء الثامن انشالله ؟؟