أنا يابحر

أنا يابحر ماجيتك فضى ولمشاهـدك شفقـان
ــــــــــــــــــــــــ أنا جيتك أبنسى الياس وبعض الهـم يباريني




على بالك أنا جالس أسامر موجك الغضبـان
ـــــــــــــــــــــــــ أسولف له عن أوجاعي وعني وغربة سنينـي



علامك يابحر غاضب علامك تصرخ بكتمـان
ــــــــــــــــــــــــ أنا جيتـك أبشكيلـك وأبـي منـك تواسينـي



أنا مثلك بحر لكن وسط نفسـي أنـا غرقـان
ــــــــــــــــــــــــ تعبت أبحر مع نفسـي وأسالهـا أنـا وينـي



أنا محتار في وصفي ومع نفسي أنـا حيـران
ـــــــــــــــــــــــ أنا لاقادر أفهمهـا وهـي تجهـل مضامينـي



أنا مليت من حزني وتعبت أبحث عن السلوان
ــــــــــــــــــــــــ ولاظنيت بـه شـي عـن أحزانـي يسلينـي



أحس إن الحزن عالم بحوره وصحوه وديـان
ــــــــــــــــــــــــ تخيل يابحر حجمه إذا حجمـه سكـن فينـي



تصور لو شقا الدنيا تجمع في كيـان انسـان
ــــــــــــــــــــــــ تصدق مابقى بالكون أسى مابات فـي عينـي



ترى كل الحزن لو غاب وراح لآخرالأوطـان
ــــــــــــــــــــــــ يغيب ويرتحل لحظات ويرجع يستقـر فينـي



أنا آخر فصول الحزن وأنا لدروبـه العنـوان
ــــــــــــــــــــــــ وأنـا آخـر عزوفاتـه وأصواتـه تغنيـنـي



أنا والليل والغربـة تعانقنـا مثـل الأخـوان
ــــــــــــــــــــــــ ليلـي كـل آهاتـي والغـربـة عناويـنـي



تعبت أسقي ثرى أحلامي وأزرع بالوهم بستان
ــــــــــــــــــــــــ تعبت ولا نبت زرعي وتعبت وجفت بساتينـي



ألايابحر جاوبني وش آخـر هـذي الأحـزان
ــــــــــــــــــــــــ وش آخر رحلة أوجاعي وعناي وغربة سنيني