انا مستعدة ... ...

عندي استعداد امشي اي طريق جديد ...
مدام هياخدني بعيد ...
حتى لو قلبي هيكون فيه وحيد ...
انا مستعدة ... ...
عندي استعداد ادوس علي داس عليا ...
اجرح و البس وش القسية ...
اموت حاجات كتير حلوة فيا ...
انا مستعدة ... ...
تعبت من دور المجني عليها ...
من دور اللي ديمن ملعوب بيها ...
و هيا بتنسى مهما بيتعمل فيها ...
ايوة تعبت ... ...
و الفترة الجاية من حياتي ...
همحي الطيبة و الحنية مني و في الجرح هحقق ذاتي ...
ما انا لما لعبت دور الطيبة كان الجرح هوا جزاتي ...
و خسرت ... ...
حقي انا هخدوا مهما حصل ...
لو عدى سنين من عمري هيفضل عندي امل ...
ما انا مش هسكت على الحالة اللي قلبي ليها وصل ...
و اكيد هيبقى في حل و عمل ... ...
كل ضربة انا هردها ضربتين ...
و البادي اظلم و العين بالعين ...
و انا مش طيبة انا برضوا ليا وشيين ...
و الشر خلاص هبينوا ... ...
مش هرضى لقلبي الذل ...
انا واحدة نفسي عندي بالكل ...
و فترة و هبقى عال و هبقى فل الفل ...
و وش الطيبة اللي كنت لبساه هلعنوا ... ...