الحب القدري و الحب الإرادي….

الحب القدري و الحب الإرادي….

الحب ….

الحب أحساس رائع بالحياه…….خليط من المشاعر الجميلة النبيلة موجه ومصبوبه في شخص بذاته.قدره غير طبيعيه على العطاء ورغبه جامحه بالبقاء جنب الحبيب.


والحب أنواع منه


الحب القدري


مينفعش تفلفص منه , زي الشبح بيطاردك في كل مكان ,مقصدش الشخص اللي بيطاردك ,أقصد مشاعرك نحيته هي اللي وراك وراك .تلاقي نفسك بتحب الشخص ده وانت مش عارف ليه هوه مش أحسن


أنسان في الدنيا ولا فيه كل اللي بتحلم بيه وبتتمناه بس بتحبه وخلاص .


أول لما تشوفه قلبك بيحصله هبوط مفاجئ و تلاقي الدمويه على الطول جرت في وشك , ومهما دار الزمن بيك وحتى لو مكنش هو شريك حياتك ,تلاقي دقة القلب دي موجوده حتى لو مشاعرك انتهت من


ناحيته ,بس الحب القدري بيدخل القلب ومبيطلعش تانى منه على غير الحب الأرادى..!!


الحب الأرادي


ده الحب اللي بيجي بعد الأختيار ,تلاقي نفسك أخترت الشخص , وقررت الأفراج عن مشاعرك علشان تروح للشخص ده على طول, حب أساسه القلب و العقل , فكره تقلب بأعحاب فمشاعر فحب.علشان كده


مش بسهوله يضيع بالعكس بيستمر و بيكبر مع الأيام .


حب يمكن تكون متعته أقل من الحب القدري , بس عمره الأفتراضي أطول كتير, حب يبان في المواقف الصعبه مش على طول الخط.


حب قوته مبنيه على مدى رعاية الطرف التاني ليك على عكس الحب القدري اللي بيتولد قوي جدا , و مش محتاج حتى رد فعل من الطرف التاني علشان يكبر جواك .


في كل الأحوال الحب مش بأدينا بس ايه هوه الحب الصح؟


قصص العشاق كلها زي روميو و جوليت وقيس و ليلى ,أثبتت ان الحب القدري بيتولد قوي و بيضعف مع الأيام و ينتهي و مبيقاش منه غير دقة القلب اللي قولنا عليها لأنه مشاعر مش محسوبه ,مشاعربدون تفكير ..!!


اما الحب الأرادي هوه اللي بيرعاه العقل ويرحب بيه الأحساس, هو الحب الحقيقى ليس هزلا …. ليس عرضا مؤقتا…. ليس ميلا عاطفيا مجردا…. ليس نزوه… ليس رغبه …. ليس عبثا… ليس تسيله


….ولكنه تجربه استيعابيه شامله مركزها جوهر الانسان وذاته ووعيه ..!!

 

بَين اَنآمل عَزف مُبآح
وأوتآر ترآتِيل الابْداع
كآن لَحنك أَشبَه بأنسيآب أَلندى عَلى خد أَليآسمين
أَجنحة فرآش وملآئِكه حَلقت فَوق روآبِي نَبضك بِشَغف
جَمِيلَة وأَكثَرْ..

اسمح لي ابدي اعجابي بقلمك وتميزك واسلوبك الراقي وتالقك ....ابدعت في اختيارك لهالموضوع تقبل مروري واحترامي وتقديري

اسمح لي ابدي اعجابي بقلمك وتميزك واسلوبك الراقي وتالقك ....ابدعت في اختيارك لهالموضوع تقبل مروري واحترامي وتقديري