طريقة عمل صينية البطاطس المهروسة بالجبنة

المقادير:

كيلو بطاطس
½ كوب جبنة موتزاريلا أو رومي مبشورة
3 ملعقة كبيرة زبدة
½ كوب بقسماط
كوب لبن
ملح وفلفل
بيضة

الطريقة:

1- اسلقي البطاطس وقشّريها، وبعد كده قطّعيها قطع صغيرة واخلطي معاها اللبن والزبدة والملح والفلفل واهرسيهم كويس مع بعض، وبعد كده اخلطي معاهم الجبنة الرومي أو الموتزاريلا، وقلّبي الخليط كويس مع بعضه.


2- هاتي الصينية وادهنيها بطبقة خفيفة من الزبدة، وبعد كده رشّي عليها طبقة من البقسماط، وبعد كده افردي فيها خليط البطاطس.

3- اخ البيضة وتبّليها بشوية ملح وفلفل، وحطّيها على البطاطس، ودخّليها الفرن لغاية ما وشّها يحمرّ، وبعد كده طلّعيها وقطّعيها وقدّميها ساخنة.. وبالهنا والشفا.