قصيدة لا هنت يا راس الرجاجيل - خالد الفيصل

لا هنت ياراس الرجاجيل لا هنت
ولا هان راس في ثرى العود مدفون

والله ما احطك بالقبر لكن آمنت
باللي جعل دفن المسلمين مسنون

منزلك ياعز الشرف لو تمكنت
فوق النجوم اللي تعلن على الكون

سكنت دار المجد يا شيخ واسكنت
شعبك معك وقلوب ناس يحبون

صنت الامانة حافظ ما تهاونت
وعلمتهم وشلون الاشراف يوفون

كم ظالم عاداك واعفيت واحسنت
واخلفت ظن جموع ناس يظنون

بازهد والمعروف والصير كونت
منهاج فيصل المنهج اللي يعرفون.....

تلفتت روس المخاليق وين أنت ؟
وين العظيم و عود الشوف مطعون

كم خافق وقف عقب ما تكفنت
و كم ناظر ذوب سواداه محزون

لو شفت حال الناس عقبك تبينت
مقدار حب الناس للي يودون

مما بقلبي قلت يابوي لا هنت
و إلا انت فوق القول مهما يقولون

 

يعطيك العافية
ما ننحرم من فيض عطائك وإبداعك
لك تحياتي وفائق شكري

كل الشكر والامتنان على روعة بوحـك
وروعهـ مانــثرت
وجمالية طرحكِ
دائماً متميزه في الانتقاء
سلمتى يالغاليه على روعه طرحك
نترقب المزيد من جديدكِ الرائع
دمتى ودام لنا روعة اختيارك الموفق
مودتى اليكى