جلاش باللحمة والقشطة

” جلاش باللحمة والقشطة “
احترفي في فنون الطبخ اعملي اصناف كتير علي سفرتك , طبعا كل واحدة في الدنيا بتحب تعمل اصناف كتير علي السفرة وخاصة عند وجود ضيوف بس في اصناف يتاخذ وقت كتير اوي , وايضا في اصناف طريقة تحضيرها بسيطة جدا وكمان وقت الطهي بسيط جدا .
اولا:
المقادير المطلوبة لعمل الجلاش باللحمة والقشطة
– لفة جلاش او نصف كيلو من الجلاش وده موجود في كل المحلات وسعره بسيط .
– نصف كيلو لحمة مفرومة .
– 2 ملعقة كبيرة زيت .
– 1 بصلة كبيرة .
– 1 كوب زبده ويفضل ان تكون سمنة بلدي بيكون طعمها ورائحتها تحفة .
– نصف ملعقة صغيرة ملح .
– نصف ملعقة صغيرة فلفل اسمر .
– نصف ملعقة صغيرة بهارات لحمة .
– نصف ملعقة صغيرة زنجبيل .
المقادير المطلوبة ( للوجه )
– 1كوب صغير لبن .
– 1 بيضة .
– ربع ملعقة صغيرة فلفل اسمر .
– ربع ملعقة صغيرة ملح .
– 4 ملاعق كبيرة قشطة .
ثانيا :
طريقة تحضير الجلاش باللحمة
– قطعي البصلة قطع صغيرة جدا ثم تاتي باناء وضعي به الزيت علي نار متوسطة ثم ضيفي البصلة لمدة دقيقة واحدة حتي تذبل قليلا ثم ضعي اللحمة المفرومة عليها وقلبيهم ثم ضعي الملح والفلفل والبهارات والزنجبيل وامزجيهم جيدا علي نار هادئة لمدة لا تقل عن 10 دقائق وعندما يتم طهيها جيدا اتركيها جنبا .
– تاتي بصينية مستطيلة او مربعة الشكل والافضل ان تكون الصينية بايركس ثم ضعي السمنة علي النار حتي تذوب فقط وتاتي بفرشة وتدهني الصينية من قلبها بالسمن ثم اقسمي الجلاش نصفين يعني ان كان عدد الورق 20 فاقسميهم الي 10 للطبقة اللي تحت ثم ضعي اول ورقة في الصينية وادهنيها بالسمن ثم ضعي الثانية وايضا تدهنيها بالسمن وهاتكرري العملية حتي انتهاءك من الطبقة الاولي .
– ثم تاتي باللحمة وتضعيها فوق الطبقة وتفرديها كويس اوي , وبعد كده هاتكرري نفس العملية وتضعي النصف الثاني من الجلاش وطبعا تدهني بالسمن بين كل طبقة وطبقة وبعد ما تنتهي قومي بتقطيع الجلاش مربعات واتركيها .
طريقة تحضير الخلط للوجه
تاتي باناء وتضعي فيه اللبن والبيضة والفلفل والملح واضربيهم جيدا
ثم اسكبيه علي الجلاش واتركيه لمدة 10 قائق سخني الفرن علي 180 وبعد كدة ادهني الجلاش بالقشطة وضعيهم في الفرن علي 180لمدة 20 دقيقة . وبالهنا والشفا