ياصاحبي مايفرق الصمت والبوح

بعض الجروح ان طول ايام ويروح
والبعض الاخر ياخذ سنين ماراح
ياصاحبي مايفرق الصمت والبوح
مـادام ريــحالـصدوالبعد قد فاح
خليتني بعدك من البعد مـطروح
جرحتي في البعد والشوق ذباح
قالو لي خل الحب مافيه مصلوح
قلت اتركوني ماني سامع للانصاح
قالو لي بحر الحب ياما ذبح روح
قـلـت البـحر مــايقـدرة غير سباح
ياليتني طاوعتهم قبل لاروح
ماكان شفت الموج يصتتاد الارواح
ياصاحبي لاتحسب الباب مفتوح
دامك بديت البعدد فالصبر مفتاح
ماعاد ينفعك الندم ياشقى الروح
وفـراقنـا مــاهـو تــلاعيـب ومـزاح
هذا انت جيت وقلت لي قول مسموح
توك تجي تطلبني القرب ياصاح
توك تجي يوم الامل مات مذبوح
توك عرفت انك معي كنت مرتاح
لاتحسب انك عقب فرقاي مفظوح
اموت وسدي للبشر عنك ماباح
لاوالذي انجى هل الفلك مع نوح
ماني بسرك يابن الاجواد فضاح
انشهد ان البعد مافيةمربوح
كانك تبيها بالخساير والارباح
ابشرك خسران والقلب مجروح
والبعد زاد القلب هموم وجراح
بعض الجروح ان طول ايام ويروح
والبعض الاخر لو ياخذ سنين ماراح