5 أضرار يجب انتباه مدمنين القهوة لها

لمدمنين القهوة ـ لازم تاخد بالك من الـ 5 أضرار دول.





طبعًا كلنا عارفين إن فنجان القهوة دة محبوب الملايين وإن في ناس مش بتعرف تواصل يومهم من غير فنجان القهوة بتاع الصبح والموضوع بيوصل لإدمان حرفيًا. القهوة اللي جودتها عالية (وفقًا لموقع healthambition) هي مصدر لمضادات الأكسدة زي حمض الكلوروجينيك اللي بيساعد على فقدان الوزن والحد من الدهون في الجسم، لكن على المدى الطويل شرب القهوة الكتير بيزيد من خطر ارفتاع الكوليسترول في الدم وأمراض القلب وهشاشة العظام.

ـ أضرار القهوة:
1- عسرالهضم:
شرب القهوة على معدة فاضية الصبح بيحفز إنتاج حمض الهيدروكلوريك اللي بيتم إنتاجه بس لهضم الطعام وخاصًة هضم البروتين اللي بيتأثر بنقص حمض الهيدروكلوريك في المعدة، وده بيسبب عسر الهضم ومشاكل صحية كتير، من الانتفاخ والغاز إلى القولون العصبي لحد سرطان القولون.

2- القرحة وحموضة المعدة:
مركبات كتير في القهوة زي الكافيين والأحماض المختلفة الموجودة في حبوب البن ممكن تهيج المعدة وبطانة الأمعاء الدقيقة، ومن المعروف إن الناس اللي بيعانوا من القرحة، إلتهاب المعدة ومرض كرون بينصحوهم الأطباء بتجنبها تمامًا.

3- الإجهاد والتوتر:
زيادة شرب القهوة بيعزز إنتاج هرمونات التوتر زي الكورتيزول، أدرينالين وبسبب إفراز الماد الكيميائية دي بيزيد معدل ضربات القلب في الجسم، وعدل ضغط الدم ومستويات التوتر، وده غير إفراز هرمونات التوتر مع فنجان القهوة وانت بتاكل ده بيتداخل مع عمل الجهاز الهضمي.

4- ارتفاع ضغط الدم:
استهلاك الكافيين الزيادة بيزيد من ارتفاع ضغط الدم خصوصًا للناس اللي أصلًا .


5- امتصاص المعادن:
شرب القهوة بيسبب صعوبة في الحصول على المعادن الكافية من النظام الغذائي حتى لو كان الشخص بياكل أطعمة غنية بالمعادن أو بياخد مكملات غذائية وده بيرجع للطريقة اللي بتأثر بيها القهوة على امتصاص الحديد في المعدة وخاصًة قدرة الكلى على الاحتفاظ بالكالسيوم والماغنسيوم ومعادن تانية مهمة جدًا.