جايه تخطب لاخو زوجها شوفو وش صار ..!

كان فيه اثنين اخوان متزوجين وعلى مايبدو قاعدين
في بيت واحد , وحده كانت ربه بيت وزوجه الثاني تشتغل في قطاع ما
المهم الي هي ربه البيت زوجه مسكينه وعلى نياتها
وطيبه ماتهتم في حالها يالله تلحق شغل البيت والاولاد والزوج وماتهتم
بمظهرها اهم شئ عندها تلبي رغبات الاولاد والزوج وتشوفهم مرتاحين ....

نجي عند الزوجه الي تشتغل هذي عاد برستيج
تهتم بحالها وبمظهرها وطبعا الي هي ربه المنزل بالنسبه
لها وحده بيئه لاتفقه شيئا من امور الحياه وماتعرف الشياكه والاناقه ولاتهتم بنفسها قدام زوجها
فحبت تسوي معروف في اخو زوجها
وقاعده تهديه يتزوج وحده فاهمه وتقوله شوتبي منها
هذي ماتصلح لك انت يبي لك وحده كاشخه وحلوه خلاص بعطيك
صديقتي عز الطلب انا متأكده انك بتدعي لي لو تزوجتها
الرجال يوم سمع نصيحتها ماكذب خبر قال وينها ....
طبعا نسى افضال زوجته عليه !!!!
وجاء اليوم الموعود قاعد يتجهز للخطبه وطبعا البنت واهلها جاهزين لمايجي على حسب الموعد المتفق ...
تعالوا نشوف شو الي حصل ؟؟؟ وتجهز الرجال وكل شئ لكن
حصل شئ غير متوقع لما كان خلاص بيطلع عشان الخطبه
راحت زوجته قبل ماتعطيه النعال ( طبعا هي مو عارفه وين بيروح ) شافته متسخ مغبر فنظفت نعاله بملابسها ( حليلها )
حز بنفسه وقال هذي الي بروح اتزوج عليها شوفو شوقاعده تسوي لي ؟؟؟ بطل يروح ذيك الليله يخطب راح متصل عليه
اخوه ويخبره ليش تأخرت ع الموعد مايصير الجماعه
منتظرين فشلتنا بينهم ... رد عليه وقال مابي بطلت ماني متزوج على زوجتي

تعرفون شو الي حصل ؟؟؟ اخوه شاف نفسه في موقف محرج
مع الجماعه راح هو خطبها بدل اخوه عشان يصلح الموقف
اتصلت زوجته ( الي تشتغل ) في نفس الوقت
لصديقتها تستفسر عن الخطبه قالت لها بشري هاااا انخطبتي
لاخو زوجي ردت عليها وقالت لا ابشرك انخطبت لزوجك >فرحانه البنت
ههههههههههه
وربي تستاهل

"وخبزن خبزتيه يا الرفلآ إكليه "