كلمات اغنية فريد الاطرش إديني ميعاد

كلمات : عبد العزيز سلام ألحان : فريد الأطرش

إديني ميعاد و قابلني
و كفاية بعاد و خصام
عايز اقابلك يا شاغلني
علشان لك عندي كلام

أوعدني و اوفي بوعدك
و اسعدني بجنة قربك
و انا لما تجيني ح عاهدك
لا ألومك يوم و لا اعاتبك
و كفاية أشوفك جنبي
و احكي لك ع اللي ف قلبي
و ساعتها ح تسمع مني
قصة أشواق و غرام
عايز اقابلك يا شاغلني
علشان لك عندي كلام

الماضي اللي انت طويته
أنا عايز اعيد لياليه
و اللي جرالي أنا نسيته
مش ح اشغل فكرك بيه
و ان كان لي ف حبك قسمة
ح تعود ليالينا بكلمة
و ان جيتني راح تسعدني
و ح تصفى لنا الأيام
عايز اقابلك يا شاغلني
علشان لك عندي كلام
إديني ميعاد

 

تسلم الأيادي الذهبيه
على الطرح الرآئع ’
تحية عطرة لِ روحك النقية

يسلموو عالطرح القيم
بارك الله فيكى
وبنتظار جديدك القادم
تحياتى اليكى
فاادى