قولوا (( للغالي )) قولوا له ،

الحزن قوة تدك الروح .. و الفرقا
و البهذله و السهر للاوفيا امثالي
،،
لو ان قلبي صخر ما يعشق و يشقى ؛
إن كان حالي غدا ماهو مثل حالي –
،،
من يوم عدى قطار الحلم ، أنا ملقى
ما بين ليل الحنين و صبحه لحالي
،،
الدمع وده يسيل ، يطيييح ثم يرقا !
خايف يكوون السبب في طيحة عقالي
،،
و الجرح مدمي ، وفيني حيل ما بقّى
وجروحك أنت يتحملها ( رجل آلي ) !
،،
شوف المشاعر بِــ دم أفراحنا غرقا
بعدك انا الفارس المتحطم الجالي
،،
والا بلا / (المستميت العاشق الانقى)
يمكنّي أقهر بِــ هذا الإسم عذالي !
،،
كنت أتمنى يكون فراقنا أرقى
غالي وفارق خفوقٍٍ فارقه غالي
،،
ادري مثل هالعلاقه مستحيل القى
وادري لو ان ما عرفتك كان اشوالي
،،
امووت عادي لاجل كرامتي تبقى
وانا علي الحرام اقوالي افعالي !
،،
قولوا له ان جا يبيني عقب هــ الفرقا
يزور في متحف العشاق تمثالي