ياليت من البدايه كل واحد راح فـي شانـه

لك الله عام كامل شايلـك فالقلـب ياخـوان

حسافه عام كامل ضاع لي في حـب خوان

انا وش جابني يمك انا استاهل وانا الغلطان

ياليت من البدايه كل واحد راح فـي شانـه

خساره حبنا . قصدي خساره حبي اللي كان

وفيت ولكـن انت مابقلبـك للوفـا خانـه

تعودت على جمع القلوب وكثـرة الخـلان

تعودت علـى تمثيـل دور الحـب واتقانـه

شهادة شكر تستاهل على اسلوبـك الفنـان

تصنعت الوله والشوق وانت البوق عنوانـه

وانا جيتك يسابقني على وصلك غلا واشجان

وسلمتـك مفاتيـح الضميـر وكـل بيبانـه

تفضل دوك قلب اللي لعينك طـوع القيفـان

ولافكـر يخونـك لا . ولا خانتـك قيفانـه

تربعت على قلبه وصرت فـارس الميـدان

وصرت كل نبضاته . وصرت دم شريانـه

سكنت . ماسكنت غير في موطن بلا سكان
هنا بين الضلوع العوج .. صرت كل سكانه

عطيتك حب والله ماعطيته قبلك أي انسـان

ولا حبك كثر حبـي اخـو ايحـب اخوانـه

ولا حبك مثل حبي . لوضحا نمر بن عدوان

وخليت دموع اللي يحبـك تحـرق اوجانـه

خساره يوم حبيتك انا استاهل وانا الغلطـان

وفيت ولكـن انتـ مابقلبـك للوفـا خانـه

نهاية حبي اللي كان قصة طير بـن برمـان

نهاية عام كامل ضاع لي في حـب خوان

على مرسى فراق وبعد يرسي قارب الربـان

على جال الوداعيه وكل انسان فـي شانـه

 

طرح لآمس الجمآل
وتسلل إلى الآعمآق
لــ يسقينآ من روعته مآ يكفي
جمال في كل نآحية
شآكر لكِي من القلب
ودام ذوقك ينزف اعذب ما لديه
بين طيات هذه الواحة
في شوق مستمر لحروفك ونزفكــ